ჩაქვში, მატარებლის დაჯახების შედეგად, ახალგაზრდა კაცი დაიღუპა
დაბა ჩაქვში, მატარებლის დაჯახების შედეგად, 35 წლის კაცი ადგილზე დაიღუპა.
- ადგილობრივების ცნობით, გარდაცვლილი ბელარუსიდან იყო.
მამაკაცის ცხედარი ექსპერტიზის ბიუროშია გადასვენებული. ადგილზე შინაგან საქმეთა სამინისტროს თანამშრომლები იყვნენ მობილიზებული.
მომხდარზე გამოძიება სისხლის სამართლის კოდექსის 257-ე მუხლით დაიწყო, რაც სარკინიგზო უსაფრთხოების წესების დარღვევას გულისხმობს.
- ცნობისთვის, 13 აგვისტოს, მწვანე კონცხზე, სამგზავრო მატარებელი 16 წლის გოგოს დაეჯახა, რომელიც ადგილზე გარდაიცვალა.