რა ინფორმაციას ავრცელებს ორგანიზაცია "ამრა", რომლის თანადამფუძნებელიც დაურ ბუავა იყო

თბილისში, დიღომში, ნაქირავებ ბინაში, აფხაზი ბლოგერის, ორგანიზაცია AMRA-ს დამფუძნებლის, დაურ ბუავას ცხედარი იპოვეს.

"ამრა" აღნიშნულ ფაქტთან დაკავშირებით განცხადებას აქვეყნებს:

"ორგანიზაცია "ამრა“, ოჯახის წევრები და მეგობრები ღრმა მწუხარებით იუწყებიან ორგანიზაციის ერთ-ერთი თანადამფუძნებლის, დაურ ბუავას გარდაცვალების შესახებ.

გარდაცვალების მიზეზი შესაბამისი პროცედურების დასრულების შემდეგ გახდება ცნობილი.

მანამდე გთხოვთ, თავი შეიკავოთ გადაუმოწმებელი ინფორმაციის გავრცელებისგან და პატივი სცეთ გარდაცვლილის ოჯახის პირად სივრცეს.

დაურ ბუავა იყო ახალგაზრდა ადამიანი, რომელიც სიმართლისთვის იბრძოდა და საკუთარი პრინციპების დასაცავად სირთულეებისა და შესაძლო რისკების მიუხედავად, ბოლომდე იდგა. სწორედ ასეთად - პატიოსან, მამაც და თავისი საქმის ერთგულ ადამიანად დარჩება იგი სამუდამოდ მისი ახლობლების, მეგობრებისა და საზოგადოების მეხსიერებაში", - ნათქვამია განცხადებაში.

• ცნობისთვის, აფხაზი ბლოგერი დაურ ბუავა თბილისში, საცხოვრებელ ბინაში, გარდაცვლილი იპოვეს. მიზეზი ამ დროისთვის უცნობია, თუმცა დაურ ბუავა, სავარაუდოდ, რამდენიმე დღის გარდაცვლილი უნდა იყოს. არაოფიციალური ინფორმაციით, კორპუსში "საშინელი სუნი იდგა“, რის გამოც მეზობლებმა სამაშველო ჯგუფი გამოიძახეს. აფხაზი ბლოგერი ბინაში შესვლისას მაშველებს გარდაცვლილი დახვდათ. გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ნახეთ ასევე:

"დაურ ბუავა, მისი პოზიციების გამო, ბევრ მუქარას იღებდა ხოლმე" - რას წერს თამთა მიქელაძე

"პირველადი დათვალიერებით, ძალადობის კვალი არ აღენიშნება" - შსს გარდაცვლილ დაურ ბუავაზე

"თუ აფხაზეთში ამბობენ, რომ საქართველოში მტრები არიან, მაშ, ჩემი შემთხვევა მშვენიერი მაგალითია მტრის ტერიტორიაზე მეგობრების საპოვნელად" - ყველაფერი დაურ ბუავაზე, რომელიც თბილისში გარდაცვლილი იპოვეს