ცნობილია თუშეთში ავარიის შედეგად დაღუპულის ვინაობა
თუშეთში მომხდარი ავტოსაგზაო შემთხვევის შედეგად დაღუპული სიმონ ხეჩასშვილია.
ინფორმაციას სოციალურ ქსელში გარდაცვლილის ახლობლები ავრცელებენ.
ცნობისთვის, ავარია ღამით სოფელ ომალოში, ვიზიტორთა ცენტრის მიმდებარედ მოხდა.
- თვითმხილველების თქმით, სწრაფად მოძრავი "ტოიოტას" მარკის ავტომობილი, სადაც 5 ადამიანი იმყოფებოდა, გზის სავალი ნაწილიდან გადავიდა და რამდენჯერმე ამობრუნდა.
შედეგად, მძღოლი ადგილზე გარდაიცვალა, 4 ახალგაზრდა კი დაშავდა. ისინი სასწრაფო დახმარების ჯგუფმა თელავის საავადმყოფოში გადაიყვანა. ექიმის თქმით, დაშავებულების მდგომარეობა სტაბილურია. მათ მრავლობითი დაზიანებები - ქვედა კიდურების მოტეხილობები აქვთ და უტარდებათ შესაბამისი მკურნალობა.