"სასამართლოს დარბაზში ღიმილით შემოსული ნია იმნაძე და ანასტასია ბერუაშვილი ნათესავებს ჰაეროვან კოცნებს უგზავნიან" - რას წერს ეკა კუპატაძე პროცესიდან
მოკლული მასწავლებლის გიგა ავალიანის დედა ეკა კუპატაძე, რომელიც ამ წუთებში საქალაქო სასამართლოში ნია იმნაძის და ანასტასია ბერუაშვილის პროცესს ესწრება, სასამართლო დარბაზიდან პოსტს აქვეყნებს და წერს:
"ბაბლის საყურადღებოდ: ვარ ნია იმნაძის და ანასტასია ბერუაშვილის სასამართლო პროცესზე.ველოდებით მოსამართლეს. სასამართლოს დარბაზში ღიმილით შემოსული ნია იმნაძე და ანასტასია ბერუაშვილი ახლა კარის მინაში ნათესავებს ჰაეროვან კოცნებს უგზავნიან და ღიმილით უქნევენ ხელს.
არ ინერვიულოთ, მართლა ფსიქოლოგიური პრანჭვები კი არ აქვთ, ეს უბრალოდ მანიპულატორი ლეკიშვილის ცირკები იყო. ჰო, გარედანაც შიგნით ხმამაღალი სიცილი შემოდის და ანამარია იმნაძეც ბედნიერი, ყელმოღერებული შემოვიდა დერეფანში. არ ინერვიულოთ ბაბლო, ბედნიერად არიან" - წერს კუპატაძე.
ცნობისთვის, 7 აგვისტოს, გარდაცვლილი მასწავლებლის, გიგა ავალიანის საქმეზე დაკავებულ ორ არასრულწლოვანს, ნია იმნაძესა და ანასტასია ბერუაშვილს აღკვეთის ღონისძიების სახით პატიმრობა შეეფარდა.
საერთო ჯამში, საქმეზე დაკავებულია 7 პირი - ალექსანდრე გაბაშვილი, გიორგი რიკაძე, ანი ნასყიდაშვილი, დემეტრე ჩიქოვანი, გიორგი მალანია, ნია იმნაძე და ანასტასია ბერუაშვილი. მათგან ოთხი - ალექსანდრე გაბაშვილი, გიორგი რიკაძე, ანი ნასყიდაშვილი და დემეტრე ჩიქოვანი მსჯავრდებულები არიან.
წაიკითხეთ ასევე: