"ნუ მისცემ ერთ რთულ პერიოდს უფლებას, საკუთარ შესაძლებლობებში ეჭვი შეგატანინოს... შეინარჩუნე შენში ეს ცეცხლი" - რონალდუს ემოციური მიმართვა "კვარას"
პსჟ-ს შემტევმა, საქართველოს ეროვნული ნაკრების კაპიტანმა ხვიჩა კვარაცხელიამ ჯვარედინი მყესები გაიწყვიტა, რის გამოც ქართველ ფეხბურთელს 7-დან 9 თვემდე უქმობა მოუწევს. ხვიჩას მთელი საფეხბურთო სამყარო ამხნევებს ამ რთულ მომენტში და მალე გამოჯანმრთელებას უსურვებს.
- კვარაცხელია ლეგენდარულმა პორტუგალიელმა ფეხბურთელმა, კრიშტიანუ რონალდუმაც გაამხნევა და "ინსტაგრამზე" ასეთი კომენტარი დაუწერა:
"ფეხბურთში ყველაზე მძიმე ბრძოლები ხშირად ის ბრძოლებია, რომლებსაც ვერავინ ხედავს. კვარა, მე კარგად ვიცი, რას ნიშნავს ეს გრძნობა. მაგრამ არასდროს დაივიწყო, რამ მოგიყვანა აქამდე და ნუ მისცემ ერთ რთულ პერიოდს უფლებას, საკუთარ შესაძლებლობებში ეჭვი შეგატანინოს.
შეინარჩუნე შენში ეს ცეცხლი! საუკეთესო დღეები ჯერ კიდევ წინ არის!", - დაწერა რონალდომ "ინსტაგრამზე", კვარაცხელიას პოსტის კომენტარებში.