"არ აქვს მნიშვნელობა დღეს მოიგებს თუ წააგებს, ის გამარჯვებულია ჩემთვის და ყველასთვის" - რა თქვა მერაბ დვალიშვილმა გამარჯვების შემდეგ საბა ლაზიშვილზე

ქართველმა მებრძოლმა მერაბ დვალიშვილმა RAF-ის აბუ-დაბის ტურნირზე გამარჯვების შემდეგ კომენტარი ახალგაზრდა სპორტსმენზე, საბა ლაზიშვილზეც გააკეთა.

"ერთი რამე მინდა ვთქვა - საბა სამუდამოდ ჩემი ძმა არის და ასე იქნება ცხოვრების ბოლომდე! არ აქვს მნიშვნელობა ის დღეს მოიგებს თუ წააგებს, ის გამარჯვებულია ჩემთვის და ყველასთვის" - აღნიშნა სპორტსმენმა.

რამდენიმე წუთში დაიწყება საბა ლაზიშვილის დაპირისპირება ამერიკული სპორტის ერთ-ერთ ცნობილ სახესთან, UFC-ის ყოფილ მებრძოლ ურაია ფეიბერთან.

აღსანიშნავია, რომ თავდაპირველად ფეიბერის მეტოქედ უმარ ნურმაგომედოვი იყო დასახელებული, თუმცა ბოლო მოვლენების შემდეგ ორგანიზაციამ შეხვედრის მონაწილე შეცვალა და მის ნაცვლად ქართველი სპორტსმენი წარადგინა. ამგვარად, საბასთვის ეს RAF-ის დიდ სცენაზე მნიშვნელოვანი დებიუტი იქნება.

• თავად მერაბს რაც შეეხება, მან მეტოქე წუთნახევარში (4:2) დაამარცხა. სპორტსმენი თავისუფალ ჭიდაობაში ბრაზილიელ მარლონ მორაესს დაუპირისპირდა და საკუთარი შესაძლებლობები კიდევ ერთხელ დაამტკიცა.

ეს ამ ორგანიზაციაში ქართველი მებრძოლის მესამე გამარჯვებაა. აქამდე მან ჰენრი სეხუდოსა და ფრენკი ედგარს მოუგო.

ასევე იხილეთ:

• "გთხოვთ, ეს ბიჭები ციხიდან გამოუშვით“ - მერაბ დვალიშვილის გამარჯვება აბუ დაბიში და პირველი კომენტარი