ქვემო ფონიჭალაში, სავარაუდოდ ბუნებრივი აირის დაგროვების შედეგად საცხოვრებელ კორპუსში მომხდარ აფეთქებას უდანაშაულო ადამიანების სიცოცხლე ემსხვერპლა. აფეთქების შედეგად კორპუსის ხუთი სართული მთლიანად ჩაინგრა. ორი სადარბაზო საცხოვრებლად უვარგისია და ამ კორპუსის 28 მაცხოვრებელი მერიამ სასტუმროებში გაიყვანა.
8 საათიანი სამძებრო-სამაშველო ოპერაციის შემდეგ, მეხანძრე-მაშველებმა ნანგრევებიდან 3 წლის თაია ცოცხალი ამოიყვანეს.
12 საათზე მეტხნიანი სამძებრო სამუშაოების შემდეგ კი მაშველებმა ნანგრევებში მოყოლილი 6 ადამიანის ცხედრის ამოყვანა შეძლეს - მათ შორის ერთი მცირეწლოვანია.
ტრაგედიას ემსხვერპლა 3 წლის თაიას დედა, ნინო ჭელიძე და მისი 7 წლის და - ნუციკო.
54 წლის ქალბატონი - ლალი (ლამარა) შიშმანაშვილი, რომელიც ბინაში ტყუპ შვილთან ერთად იმყოფებოდა. ისინი გადარჩნენ, თუმცა დედამ გამოსვლა ვერ შეძლო.
აფეთქებას ემსხვერპლა კიდევ ერთი დედა-შვილი, ვერონიკა ვანიშვილი და მისი შვილი - არიანა. ამის შესახებ დავით ვანიშვილი წერს. მისი თქმით, დაღუპულები მისი და და დის შვილი არიან:
“ეს არის ჩემი არიანა და ვერიკო... არიიიიიი...

აღარ მყავს არც და და არც დის შვილი არიანა....ღმერთო რატოოოოო.....ჩემი პატარა პრინცესა აღარ არის ....... დაოოოოოო,“ - წერს ვანიშვილი.
შს მინისტრის თქმით, გაგრძელდება საგამოძიებო მოქმედებები, კონკრეტულად მოხდება შემთხვევის ადგილის დათვალიერება, კრიმინალისტების ჩართულობით ყველა საჭირო მტკიცებულების მოპოვების მიზნით.
იხილეთ ასევე: