კოკოითი - სამხრეთ ოსეთისა და აფხაზეთის დამოუკიდებლობის აღიარებას კიდევ ერთი ქვეყანა აპირებს

სამხრეთ ოსეთისა და აფხაზეთის დამოუკიდებლობის აღიარებას კიდევ ერთი ქვეყანა აპირებს , - ამის შესახებ ცხინვალის რეჟიმის ლიდერმა ედუარდ კოკოითიმ რუსეთის საგარეო საქმეთა მინისტრ სერგეო ლავროვთან ცხინვალში გამართული შეხვედრისას განაცხადა.

"ეხო მასკვის" ინფორმაციით, კოკოითიმ ეს განცხადება შეხვედრის შემდეგ გამართულ ერთობლივ პრესკონფერენციაზე გააკეთა.

თუმცა, კოკოითის არ დაუკონკრეტებია, რომელი ქვეყანა აპირებს აფხაზეთისა და ე.წ. სამხრეთ ოსეთის დამოუკიდებლობის აღიარებას. ედუარდ კოკოითისა და სერგეი ლავროვის შეხვედრა დღეს ცხინვალში გაიმართა.

"ინტერპრესნიუსი"