პოსტსაბჭოთა სივრცის უმდიდრესი ადამიანების ასეულში გია ჯოხთაბერიძეც მოხვდა
პოსტსაბჭოთა სივრცის უმდიდრესი ადამიანების ასეულში სამი ქართველი მოხვდა - ბიძინა ივანიშვილი, გია ჯოხთაბერიძე და ალექსანდრე ჯაფარიძე.
პოსტსაბჭოთა სივრცის უმდიდრესი ადამიანების ასეული ვებგვერდმა RBK-მ შეადგინა.
ავტორებმა რეიტინგი საინვესტიციო კომპანიების, ბანკებისა და საკუთარ შეფასებებზე დაყრდნობით შეადგინეს.
ბიძინა ივანიშვილი რეიტინგში 38-ე ადგილს იკავებს. ივანიშვილის ქონება 2010 წლის მდგომარეობით, 4,235 მლრდ აშშ დოლარს შეადგენს. ერთი წლის განმავლობაში ივანიშვილის ქონება 16,99%-ით გაიზარდა. 2009 წელს ბიზნესმენის ქონება 3,62 მლრდ აშშ დოლარი იყო.
ბიზნესმენი ალექსანდრე ჯაფარიძე პოსტსაბჭოთა სივრცის უმდიდრესი ადამიანების ასეულში 62-ე ადგილზეა. მისი ქონება გასული წლის მდგომარეობით 1,914 მლრდ აშშ დოლარით განისაზღვრება.
"მაგთიკომის" დამფუძნებელი გია ჯოხთაბერიძე კი, ასეულში 99-ე ადგილზეა. ბიზნესმენის კაპიტალი 1,02 მლრდ აშშ დოლარს შეადგენს.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
