ქარხანა "ჰერკულესიდან" დათხოვნილმა თანამშრომლებმა შიმშილობა დაიწყეს
ქუთაისის მეტალურგიული ქარხანა "ჰერკულესიდან" დათხოვნილმა თანამშრომლებმა პროტესტის ნიშნად, შიმშილობა დაიწყეს. ამის შესახებ ”ინტერპრესნიუსის” კორესპონდენტი ქუთაისიდან იუწყება. ამ დროისთვის 100-მდე მეტალურგი ქარხნის შესასვლელშია შეკრებილი, რომლებიც საწარმოდან დათხოვნილ 17 თანამშრომელს სოლიდარობას უცხადებენ.
"ინტერპრესნიუსი" შეეცადა, დაკავშირებოდა ქარხნის ხელმძღვანელობას, თუმცა როგორც ერთ-ერთმა ხელმძღვანელმა, რომან ლებანიძემ განაცხადა, ჟურნალისტი რომ დაუშვან საწარმოს ტერიტორიაზე ან მიიღოს რაიმე კომენტარი, სამი დღით ადრე უნდა გააფრთხილოს ქარხნის ადმინისტრაცია.
ქუთაისის მეტალურგიულ ქარხანა "ჰერკულესში" 100-მდე მუშამ გაფიცვა გამოაცხადა. როგორც ქუთაისიდან "ინტერპრესნიუსის" კორესპონდენტი იუწყება, ისინი დილის 08.00 საათიდან ქარხნის შესასვლელთან არიან შეკრებილი და საწარმოს სხვა მუშებსაც გაფიცვისკენ მოუწოდებენ. ამ მოწოდებას კი, ქარხნის ერთ-ერთ ხელმძღვანელსა და გაფიცულებს შორის სიტყვიერი დაპირისპირება მოჰყვა.
გაფიცულთა მოთხოვნებია: შრომითი უფლებების დაცვისა და პროფკავშირში გაწევრიანების გამო შეწყდეს ქარხნის თანამშრომლების გათავისუფლება; სამსახურში აღადგინონ უკანონოდ დათხოვნილი 17 თანამშრომელი; პატივი სცენ საქართველოს კონსტიტუციასა და კანონებს, აღიარონ მშრომელთა პროფკავშირი და შრომის პირობების გაუმჯობესების თაობაზე საგაფიცვო კომიტეტთან მოლაპარაკება დაიწყონ; დაუბრუნონ მშრომელებს წართმეული ხელფასები და ბოლო წლების განმავლობაში არსებული ინფლაციის მაჩვენებლების მიხედვით მათი შრომის ანაზღაურება გადაიხედოს.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
