ილია მეორის იერუსალიმში ვიზიტთან დაკავშირებით ისრაელის საელჩო განცხადებას ავრცელებს
სრულიად საქართველოს კათოლიკოს-პატრიარქის, უწმინდესი და უნეტარესი ილია მეორის ისრაელში ვიზიტთან დაკავშირებით ისრაელის საელჩო დღეს განცხადებას ავრცელებს .
როგორც საელჩოს განცხადებაშია აღნიშნული, ვიზიტის დროს მისი უწმინდესობა იერუსალიმის მართლმადიდებლური ეკლესიის პატრიარქს, თეოფილე მეორეს ეწვევა და ქრისტიანულ ადგილებს მოინახულებს.
ამასთან, ისრაელში ყოფნის დროს ილია მეორე შეხვდება ისრაელის სახელმწიფოს პრეზიდენტს, შიმონ პერესს, ისრაელის მთავარ რაბინს და სხვა მაღალჩინოსნებს. საქართველოს პატრიარქი ესტუმრება ისრაელის პარლამენტს (ქნესეთს), გოდების კედელს და ჰოლოკოსტის ხსოვნის მუზეუმს (იად ვაშემს).
ილია მეორე ისრაელში მცხოვრებ ქართველ ებრაელებსაც შეხვდება.
მისი უწმინდესობა და უნეტარესობა, სრულიად საქართველოს კათოლიკოს-პატრიარქი ილია მეორე ისრაელში 16 თებერვალს გაემგზავრა. უწმინდესი ისრაელში 24 თებერვლამდე დარჩება.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
