მაკა ასათიანს "მერსედესის" წარმომადგენლობაში წილი ჩამოართვეს
სასამართლოს გადაწყვეტილებით, მაკა ასათიანს საქართველოში "მერსედესის" წარმომადგენლობაში, შპს "აკა"-ში წილი ჩამოერთვა , - ამის შესახებ ”ინტერპრესნიუსს” მაკა ასათიანის ადვოკატმა, დიმიტრი გაბუნიამ განუცხადა.
ადვოკატის განმარტებით, ასათიანი შპს ”აკა”-ში 20 პროცენტს ფლობდა. უზენაესმა სასამართლომ წილის ჩამორთმევის და სხვა მეწილისათვის გადაცემის გადაწყვეტილება 3 დღის წინ მიიღო. როგორც გაბუნია აცხადებს, დავა მეწილეებს შორის იყო.
”ერთ-ერთ პარტნიორს სადაო საკითხი 12 წლის შემდეგ გაახსენდა და სასამართლოში იჩივლა. სასამართლომ გადაწყვეტილება მაკა ასათიანის საზიანოდ მიიღო”, - განაცხადა გაბუნიამ.
ამასთან, ადვოკატის ინფორმაციით, ტელეკომპანია ”მაესტროში” მაკა ასათიანის წილიც დააყადაღეს.
ადვოკატი ამ საკითხზე სასტუმრო ”თბილისი მარიოტში” ხვალისთვის დაგეგმილ პრესკონფერენციაზე დეტალურად ისაუბრებს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
