ჰილარი კლინტონი - აშშ-მა მიიღო ზომები, რომ საქართველოს მოსახლეობისთვის ადვილი იყოს ამერიკაში გამგზავრება
აშშ-მა მიიღო ზომები, რომ საქართველოს მოსახლეობისთვის უფრო ადვილი იყოს აშშ-ში გამგზავრება, - ამის შესახებ აშშ-ს სახელმწიფო მდივანმა ჰილარი კლინტონმა ბათუმში, სასტუმრო "რედისონში", ამერიკა-საქართველოს სტრატეგიული თანამშრომლობის ქარტიის ფარგლებში გამართულ პლენარულ სხდომაზე სიტყვით გამოსვლისას განაცხადა.
გარდა ამისა, კლინტონმა აღნიშნა, რომ ამერიკული მხარე ეხმარება ქართველ ხალხს ამერიკის შეერთებულ შტატებში სწავლის გაგრძელებაში. ასევე, სახელმწიფო მდივნის თქმით, ამერიკის შეერთებული შტატები ამაყობს, რომ საქართველოს პარტნიორია.
კლინტონმა ასევე აღნიშნა, საქართველოს ეკონომიკურმა რეფორმებმა საერთაშორისო დონეზე დიდი მოწონება დაიმსახურა და აშშ-ს სურს, სავაჭრო ეკონომიკურ ურთიერთობაში საქართველოსთან შემდეგ ეტაპზე გადავიდეს.
"ჩვენ გვსურს, დავეხმაროთ საქართველოს, რომ გააძლიეროს ეკონომიკა, განსაკუთრებით მათთვის, ვინც მივიწყებულია ეკონომიკური პროგრესისგან", - განაცხადა ჰილარი კლინტონმა.
მანვე ისაუბრა ხალხთა შორის ურთიერთობების შესახებ და აღნიშნა, რომ ამ კუთხით თანამშრომლობა კიდევ უფრო უნდა გაძლიერდეს.
ასევე იხილეთ:
- საქართველოს სეპარატისტული რეგიონების მოსახლეობას აშშ-ში ჩასვლა გაუადვილდება - ჰილარი კლინტონი
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
