მე-7 თაობის "გოლფს" პირველად ბერლინში, 4 სექტემბერს გვიჩვენებენ

 მე-7 თაობის "გოლფს" პირველად ბერლინში, 4 სექტემბერს გვიჩვენებენ

"ფოლკსვაგენი" დღე-დღეზე თავისი ყველაზე პოპულარული ავტომობილის, "გოლფის" მეშვიდე თაობის ჰეჩბეკს გამოუშვებს. მისი პრეზენტაცია პარიზის მოტორ შოუზე გაიმართება, რომელიც 29 სექტემბერს დაიწყება და ორი კვირა გაგრძელდება. იქ წარდგენის შემდეგ კი ახალ ავტომობილს დილერები მიიღებენ. თუმცა, როგორც "ვოლფსბურგერ ალგემაინე" იუწყება, ახალი "გოლფის" პირველი ოფიციალური ჩვენება ბერლინში, ხელოვნების ახალ ეროვნულ გალერეაში,4 სექტემბერს გაიმართება.

ეს კი იმას ნიშნავს, რომ ახალი "გოლფის" ფოტოებს და ზოგიერთ მახასიათებელს (მის პლატფორმა MQB-ს უკვე ვიცნობთ -  ამ ჩვენებამდე გამოაქვეყნებს. თუმცა მანამდეც შეიძლება იმის თქმა, რომ გარეგნულად მე-7 თაობის "გოლფი", მისი წინამორბედის ევოლუციური ვერსია იქნება. მაგრამ ეს არაფერია იმ რევოლუციურ სიახლესთან, რომელსაც გერმანული კომპანია უნივერსალურ პლატფორმა MQB-ს სახით გვთავაზობს. ამავე პლატფორმაზე ასევე მზადდება "ფოლკსვაგენის" ოჯახში შემავალი კიდევ ორი კომპანიის, "აუდის" და "სეატის" ახალი ავტომობილები (შესაბამისად, A3 და ლეონი).

ახალი "გოლფის" აღჭურვილობაში ბენზინის და დიზელის უახლესი, მცირელიტრაჟიანი ძრავები შევა. მათ შორისაა 1.2 და 1.4-ლიტრიანი TSI ძრავები, რომლებიც სისტემა ACT-თი (ცილინდრების აქტიური მართვის სისტემა) არის აღჭურვილი. ალბათ მიხვდით, ეს სისტემა ორ ცილინდრს თიშავს, როდესაც ძრავი არასრულადაა დატვირთული.

ბენზინის ძრავების გამაში ყველაზე დიდია 2.0-ლიტრიანი TSI, რომელსაც სპორტულ ვერსიებზე - GTI-სა და სრულამძრავიან R-ზე გამოიყენებენ. დიზელის აგრეგატებზე ჯერ ბევრი არაფერია ცნობილი. სამაგიეროდ, ახლავე შეიძლება იმის თქმა, რომ მეშვიდე "გოლფი" ჰიბრიდული სისტემებითაც (როგორც ბენზინის, ასევე დიზელ-ელექტრულითაც) აღიჭურვება. ასევე გათვალისწინებულია ელექტრომობილ "გოლფის" გამოშვებაც.

იხილეთ ბმული

26 მაისის ასტროლოგიური პროგნოზი

ყველაზე უცნაური საქორწინო კაბა (+ ფოტო)

ოჯახი, რომელიც ლომთან ერთად ცხოვრობდა (+ ფოტოგალერეა)