ანდერს ფოგ რასმუსენი უკვე თბილისშია

ნატო-ს გენერალური მდივანი ანდერს ფოგ რასმუსენი უკვე თბილისშია. მისი თვითმფრინავი თბილისის საერთაშორისო აეროპორტში ცოტა ხნის წინ დაეშვა.

ნატო-ს გენერალურ მდივანს თბილისის აეროპორტში საქართველოს საგარეო საქმეთა მინისტრი გრიგოლ ვაშაძე და ნატო-ში საქართველოს მუდმივი წარმომადგენელი გეგა მგალობლიშვილი დახვდნენ.

რასმუსენი აეროპორტიდან პრეზიდენტის რეზიდენციისკენ გაემგზავრა, სადაც მიხეილ სააკაშვილთან ერთად პრესკონფერენციას გამართავს, შემდეგ კი, დაგეგმილია მისი სიტყვით გამოსვლა სასტუმრო ”რედიოსნში” მიმდინარე ”ამბასადორიალზე”.

ეს რასმუსენის ნატო-ს გენერალური მდივნის რანგში საქართველოში მესამე ვიზიტია.

"ინტერპრესნიუსი"