ჯონ მაკკეინი - მე მაწუხებს ის საკითხი, რომ არჩევნების შემდეგ შეიძლება მის შედეგებზე დავა დაიწყოს

ჩვენ გვინდა, ვიხილოთ თავისუფალი და სამართლიანი არჩევნები, რომლის შედეგებსაც დამარცხებულებიც აღიარებენ, - ამის შესახებ ამერიკელმა სენატორმა ჯონ მაკკეინმა ამერიკის საელჩოში დღეს გამართულ პრესკონფერენციაზე განაცხადა.

მისი თქმით, არ ფიქრობს, რომ საქართველო ოდესმე უკან დაბრუნდება, თუმცა სენატორმა მაკკეინმა გამოთქვა წუხილი, რომ არჩევნების შემდეგ, შესაძლოა, მის შედეგებზე დავა დაიწყოს.

"მე მაწუხებს ის საკითხი, რომ არჩევნების შემდეგ, შეიძლება, მის შედეგებზე დავა დაიწყოს. ჩვენ გვინდა ვიხილოთ თავისუფალი და სამართლიანი არჩევნები და ეს განსაჯონ დამკვირვებლებმა, ხოლო დამარცხებულებმა შედეგები აღიარონ", - აღნიშნა ჯონ მაკკეინმა.

"ინტერპრესნიუსი"