ქი­ბარ ხალ­ვა­ში: "მე­რა­ბიშ­ვი­ლი ქარ­თუ­ლი პო­ლი­ტი­კი­დან თვი­თონ გაქ­რე­ბა უსა­ხე­ლოდ და უკ­ვა­ლოდ"

უფ­ლე­ბა­დამ­ცვე­ლი და­ჩი ცა­გუ­რია სა­ი­ნი­ცი­ა­ტი­ვო ჯგუფ­თან ერ­თად მარ­თავს აქ­ცი­ებს სა­ხელ­წო­დე­ბით: "წარ­თმე­უ­ლი­ა". რამ­დე­ნი­მე დღის წინ ამ­გვა­რი აქ­ცია ბიზ­ნეს­მენ ქი­ბარ ხალ­ვა­შის­თვის ჩა­მორ­თმე­უ­ლი "არ­ტი ჯგუ­ფის" ცენ­ტრა­ლურ ოფის­თან გა­ი­მარ­თა. შე­ნო­ბა­ზე, რო­მე­ლიც აღ­მა­შე­ნებ­ლის ხე­ივ­ნის მე-10 კი­ლო­მეტ­რზე მდე­ბა­რე­ობს, აქ­ცი­ის მო­ნა­წი­ლე­ებ­მა წა­ა­წე­რეს: "წარ­თმე­უ­ლი­ა". თუ რო­გორ ვი­თარ­დე­ბო­და მოვ­ლე­ნე­ბი 2007 წელს ქი­ბარ ხალ­ვა­ში­სა და მი­სი ბიზ­ნე­სის მი­მართ, სა­ზო­გა­დო­ე­ბის­თვის ცნო­ბი­ლი­ა. დღეს სა­ქარ­თვე­ლო­ში ცო­ტას თუ ეპა­რე­ბა ეჭ­ვი, რომ დევ­ნი­ლი ბიზ­ნეს­მე­ნი ხე­ლი­სუფ­ლე­ბის უკა­ნო­ნო გა­დაწყ­ვე­ტი­ლე­ბე­ბის მსხვერ­პლი­ა. რას ფიქ­რობს ქვე­ყა­ნა­ში შექ­მნილ ვი­თა­რე­ბა­ზე და რას აპი­რებს სა­მო­მავ­ლოდ დევ­ნი­ლი ბიზ­ნეს­მე­ნი ქი­ბარ ხალ­ვა­ში? - ამ კითხ­ვებ­ზე პა­სუხს ინ­ტერ­ვი­უ­დან შე­იტყ­ობთ.

- ვფიქ­რობ, ქვე­ყა­ნა­ში დღეს არ­სე­ბუ­ლი ვი­თა­რე­ბა ხე­ლი­სუფ­ლე­ბის მშვი­დო­ბი­ა­ნი შეც­ვლის შე­საძ­ლებ­ლო­ბას იძ­ლე­ვა, ოღონდ თუ ამომ­რჩე­ვე­ლი აქ­ტი­უ­რი იქ­ნე­ბა. დღეს ყვე­ლა­ფე­რი და­მო­კი­დე­ბუ­ლია ხალ­ხზე.

- თუმ­ცა წინ­ასა­არ­ჩევ­ნოდ ხე­ლი­სუფ­ლე­ბის რი­ტო­რი­კა საკ­მა­ოდ აგ­რე­სი­უ­ლი­ა. ოპო­ნენ­ტე­ბი თით­ქმის ქვეყ­ნის მტრე­ბად არი­ან გა­მოცხ­ა­დე­ბუ­ლი. პრე­მი­ერ­-მი­ნისტრ ვა­ნო მე­რა­ბიშ­ვი­ლის­გან კი მო­ვის­მი­ნეთ ფრა­ზა: "ჩვე­ნი ამო­ცა­ნა­ა, გაქ­რეს კლა­სი, რო­მე­ლიც ქვეყ­ნის უკან დაბ­რუ­ნე­ბას ცდი­ლობს.

- ხე­ლი­სუფ­ლე­ბის წარ­მო­მად­გე­ნელ­თა ასე­თი გა­მო­ნათ­ქვა­მე­ბი მხო­ლოდ მა­თი ინ­ტე­ლექ­ტის და­ბა­ლი დო­ნის მაჩ­ვე­ნე­ბე­ლი­ა. ეს უხამ­სი და შე­უ­რაცხ­მყო­ფე­ლი რი­ტორი­კა უსარ­გებ­ლო­ა, მხო­ლოდ მე­ო­რე მხა­რის გა­ღი­ზი­ა­ნე­ბას ემ­სა­ხუ­რე­ბა და ამ გზით კონ­სტრუქ­ცი­უ­ლი შე­დე­გი ვერ მი­იღ­წე­ვა. ხე­ლი­სუფ­ლე­ბის ტო­ნი­დან გა­მომ­დი­ნა­რე­ობს ერ­თა­დერ­თი რამ: სურთ, რო­გორ­მე მე­ო­რე მხა­რე­მაც ისე­თი­ვე რი­ტო­რი­კით უპა­სუ­ხოს და ვი­თა­რე­ბა და­ი­ძა­ბოს. თუმ­ცა ჯერ­ჯე­რო­ბით მე­ო­რე მხა­რე დიდ მოთ­მი­ნე­ბას იჩენს, რაც მი­სა­სალ­მე­ბე­ლი­ა. სხვა­თა შო­რის, მე­რა­ბიშ­ვი­ლი ნამ­დვი­ლად არის გაქ­რო­ბის სპე­ცი­ა­ლის­ტი, ხში­რად გა­ი­ძა­ხი­ან, ვა­შე­ნებ­თო, თუმ­ცა პა­რა­ლე­ლუ­რად, მე­რა­ბიშ­ვი­ლი აქ­რობს თა­ვი­სუ­ფალ აზრს, მოაზ­როვ­ნე ადა­მი­ა­ნებს, ქუ­ჩა­ში ხო­ცავს ახალ­გაზ­რდებს, ახ­ლა უკ­ვე მთე­ლი კლა­სის გაქ­რო­ბით იმუქ­რე­ბა, რაც აღარ გა­მო­უ­ვა. ჩე­მი აზ­რით, მე­რა­ბიშ­ვი­ლი ქარ­თუ­ლი პო­ლი­ტი­კი­დან ცო­ტა ხან­ში თვი­თონ გაქ­რე­ბა უსა­ხე­ლოდ და უკ­ვა­ლოდ. ამ­გვა­რი რი­ტო­რი­კით ხე­ლი­სუფ­ლე­ბა სა­ზო­გა­დო­ე­ბას ვერ გა­ი­ყო­ლიებს, გა­ი­ყო­ლიე­ბენ მხო­ლოდ იმ ადა­მი­ა­ნებს, რომ­ლებ­საც მა­ღა­ლი ანაზღ­ა­უ­რე­ბის სა­ფა­სუ­რად ქვე­ბით აი­ა­რა­ღე­ბენ ხოლ­მე და ქუ­ჩა­ში გა­მოჰ­ყავთ. სა­ა­კაშ­ვილს გაჰ­ყვე­ბი­ან მხო­ლოდ უნა­მუ­სო და უინ­ტე­ლექ­ტო ადა­მი­ა­ნე­ბი, რომ­ლებ­საც არაფ­რის ნი­ჭი არ აქვთ და მხო­ლოდ ამ ხე­ლი­სუფ­ლე­ბის კე­თილ ნე­ბა­ზეა და­მო­კი­დე­ბუ­ლი მა­თი წარ­მა­ტე­ბა.

- თქვე­ნი და, ფა­ტი ხალ­ვა­ში კენჭს იყ­რის ქო­ბუ­ლე­თის რა­ი­ო­ნის მა­ჟო­რი­ტა­რულ ოლ­ქში, რო­გორც მან ერ­თ-ერთ ინ­ტერ­ვი­უ­ში გა­ნაცხ­ა­და, მის­თვის "ქარ­თუ­ლი ოც­ნე­ბის" შე­თა­ვა­ზე­ბა მო­უ­ლოდ­ნე­ლი იყო. სა­ინ­ტე­რე­სო­ა, ამ სა­კითხ­ზე თუ გქონ­დათ კონ­სულ­ტა­ცია ბი­ძი­ნა ივა­ნიშ­ვილ­თან, თუ იც­ნობთ მას?

- ბა­ტონ ბი­ძი­ნას პი­რა­დად არას­დროს შევ­ხვედ­რი­ვარ, თუმ­ცა რა­საც ის დღეს ლა­პა­რა­კობს, ჩე­მი გუ­ლის­ნა­დე­ბი­ცა­ა. ერ­თ-ერთ ინ­ტერ­ვი­უ­ში ჩემ შე­სა­ხებ ჰკითხ­ეს და უპა­სუ­ხა: - და­უს­წრე­ბე­ლი ურ­თი­ერ­თპა­ტი­ვის­ცე­მაა ჩვ­ენ შო­­რი­სო. ამ პა­ტი­ვის­ცე­მას ვუ­დას­ტუ­რებ. 2000 წლი­დან მო­ყო­ლე­ბუ­ლი ერ­თმა­ნე­თის მი­მართ გარ­კვე­უ­ლი სიმ­პა­თია გვქონ­და, ჩვე­ნი კონ­ტაქ­ტი ხდე­ბო­და შუ­ა­მა­ვა­ლი რგო­ლე­ბის სა­შუ­ა­ლე­ბით, ეს ურ­თი­ერ­თო­ბა ყო­ველ­თვის კონ­სტრუქ­ცი­უ­ლო­ბით გა­მო­ირ­ჩე­ო­და. რაც შე­ე­ხე­ბა ჩემს დას, ის გულ­წრფე­ლი ადა­მი­ა­ნია და რაც თქვა, სი­მარ­თლეა - მის­თვი­საც და ჩემ­თვი­საც ეს შე­თა­ვა­ზე­ბა მო­უ­ლოდ­ნე­ლი იყო. კონ­სულ­ტა­ცია ამ სა­კითხ­ზე ჩემ­სა და "ქარ­თულ ოც­ნე­ბას" შო­რის არ ყო­ფი­ლა. რო­ცა ეს ამ­ბა­ვი შე­ვიტყ­ვე, შე­ვუთ­ვა­ლე ბა­ტონ ბი­ძი­ნას, რას ელით ჩვენ­გან, გვითხ­ა­რით და ყვე­ლა­ფერს გა­ვა­კე­თებ­თ-მეთ­ქი. თუმ­ცა იქ­ვე დავ­ძი­ნე, იქ­ნებ უკე­თე­სი კან­დი­და­ტი შე­გერ­ჩი­ათ­-მეთ­ქი. ჩვენს რა­ი­ონ­ში არა­ერ­თი ადა­მი­ა­ნი მო­ი­ძებ­ნე­ბა, რო­მე­ლიც უკე­თე­სი კან­დი­და­ტი შე­იძ­ლე­ბა ყო­ფი­ლი­ყო, მაგ­რამ შექ­მნი­ლი ვი­თა­რე­ბის გა­მო ხალ­ხი პო­ლი­ტი­კას ერი­დე­ბა. პო­ლი­ტი­კა­ში ბევ­რი ბინ­ძუ­რი ადა­მი­ა­ნი ჩა­ე­რია და ამი­ტო­მაც ხალხს იქით გა­ხედ­ვაც არ უნ­და. მინ­და, ბი­ძი­ნა ივა­ნიშ­ვილს უღ­რმე­სი მად­ლო­ბა შე­ვუთ­ვა­ლო იმის­თვის, რომ ჩემს ოჯახს ასე­თი ნდო­ბა გა­მო­უცხ­ა­და.

- თქვე­ნი დის ნაკ­ლად ასა­ხე­ლე­ბენ იმას, რომ მას ქო­ბუ­ლეთ­ში არ იც­ნო­ბენ.

- მე მი­სი გაზ­რდი­ლი ვარ და თუ რამ კარ­გია ჩემ­ში, მი­სი დამ­სა­ხუ­რე­ბა­ა. ის კარ­გი ადა­მი­ა­ნია და დარ­წმუ­ნე­ბუ­ლი ვარ, ცუდს არას­დროს გა­ა­კე­თებს. კარ­გად ცნო­ბა არ ნიშ­ნავს მა­ინ­ცდა­მა­ინც კარგს და და­დე­ბითს. რა სჯო­ბია - ხალ­ხი კარ­გად გიც­ნობ­დეს, რო­გორც უვარ­გის­სა და არაფ­რის­ მაქ­ნისს, თუ ხალ­ხი არ გიც­ნობ­დეს და კარ­გი და წე­სი­ე­რი ადა­მი­ა­ნი იყო?

- რო­გორ შე­ა­ფა­სებთ ხე­ლი­სუფ­ლე­ბის მი­ერ ემიგ­რან­ტე­ბის­თვის სა­არ­ჩევ­ნოდ შექ­მნილ ბა­რი­ე­რებს?

- ამ ხე­ლი­სუფ­ლე­ბას ემიგ­რან­ტი თა­ვის მო­ქა­ლა­ქედ არ მი­აჩ­ნია და ცდი­ლობს, რო­გორ­მე ეს ხალ­ხი არ­ჩევ­ნე­ბის მიღ­მა და­ტო­ვოს. ხალ­ხი სა­კუ­თა­რი არ­ჩე­ვა­ნის უფ­ლე­ბის­თვის იბ­რძო­და, სისხლს ღვრი­და, ჩვენ­მა ხე­ლი­სუფ­ლე­ბამ კი ეს უფ­ლე­ბა ასიათა­სო­ბით ადა­მი­ანს ჩა­მო­არ­თვა. არ­ჩევ­ნე­ბის დღედ ორ­შა­ბა­თის გა­მოცხ­ა­დე­ბა, ფაქ­ტობ­რი­ვად, ამას ნიშ­ნავს. ორი ერ­თნა­ი­რი გან­ცხა­დე­ბა მო­ვის­მი­ნე ამის თა­ო­ბა­ზე, ერ­თი საფ­რან­გეთ­ში სა­ქარ­თვე­ლოს ელჩ მა­მუ­კა კუ­და­ვას ეკუთ­ვნის, მე­ო­რე - პა­პუ­ნა და­ვი­თა­ი­ას, აი, იმას, მი­შას­თვის ფილ­მის გა­და­ღე­ბის სა­ნაც­ვლოდ სა­მი­ნის­ტრო რომ შე­უქ­მნეს (ი­გუ­ლის­ხმე­ბა დი­ას­პო­რის სა­კითხ­ებ­ში სა­ხელ­მწი­ფო მი­ნის­ტრი, – ნ.დ.). მოკ­ლედ, ორი­ვემ გა­ნაცხ­ა­და, რა პრობ­ლე­მაა არ­ჩევ­ნე­ბის დღე, სამ­სა­ხუ­რი­დან ან სამ­სა­ხუ­რის შემ­დეგ შე­ი­ა­რონ სა­არ­ჩევ­ნო უბან­ზე და ისე მის­ცენ ხმა­ო. მა­პა­ტით, მაგ­რამ ესე­ნი, რო­გორც ჩანს, მთლად შტე­რე­ბი არი­ან და არ იცი­ან "შევ­ლა" რას ნიშ­ნავს. რო­გორ შე­იძ­ლე­ბა სა­მუ­შა­ოს დაწყ­ე­ბამ­დე ან მას შემ­დეგ მი­უნ­ხენ­ში მცხოვ­რებ­მა ემიგ­რან­ტმა შე­ი­ა­როს ბერ­ლინ­ში, სა­დაც ხმის მი­ცე­მა შე­საძ­ლე­ბე­ლი­ა? ამათ საფ­რან­გე­თი მარ­ტო პა­რი­ზი, გერ­მა­ნია კი მარ­ტო ბერ­ლი­ნი ჰგო­ნი­ათ და ინ­ტე­ლექ­ტის ტეს­ტი აქვთ ჩა­სა­ბა­რე­ბე­ლი ან ეს გან­ცხა­დე­ბე­ბი აჩ­ვე­ნებს, რომ უნა­მუ­სო და მატყ­უ­ა­რა ხალ­ხი­ა. ცეს­კოს თავ­მჯდო­მა­რე ხა­რა­ტიშ­ვილ­მა კი თით­ქოს ხალხს გა­უ­მარ­ტი­ვა არ­ჩევ­ნებ­ზე რე­გის­ტრი­რე­ბის სა­შუ­ა­ლე­ბა, სი­ნამ­დვი­ლე­ში ძლივს შე­კო­წი­წე­ბულ სა­ბუ­თებს ახა­ლი მოთხ­ოვ­ნე­ბი და­ა­მა­ტეს.

- ახ­ლა­ხან "არ­ტი ჯგუ­ფის" ცენ­ტრა­ლურ ოფის­თან გა­ი­მარ­თა აქ­ცია სა­ხელ­წო­დე­ბით: "წარ­თმე­უ­ლი­ა", იქ­ნებ გა­იხ­სე­ნოთ, რა ხდე­ბო­და 2007 წელს?

- უპირ­ვე­ლე­სად, მინ­და, და­ჩი ცა­გუ­რი­ას და ამ ბი­ჭებს დი­დი მად­ლო­ბა გა­და­ვუ­ხა­დო, კი­დევ ერ­თხელ რომ შე­ახ­სე­ნეს სა­ზო­გა­დო­ე­ბას ჩე­მი დევ­ნის ამ­ბა­ვი. გახ­სოვთ, ალ­ბათ, 2007 წელს რო­გორ და­ი­ძა­ბა ვი­თა­რე­ბა. ჩემს ბიზ­ნესს კი ის და­მარ­თეს, რაც დღეს ბი­ძი­ნა ივა­ნიშ­ვი­ლის ქო­ნე­ბას, მხო­ლოდ მას­შტა­ბი იყო მცი­რე. რო­გორ­მე მო­ვა­ხერ­ხებ­დი ქო­ნე­ბის გარ­კვე­უ­ლი ნა­წი­ლის გა­დარ­ჩე­ნას, მაგ­რამ ვი­ფიქ­რე, რომ ადა­მი­ა­ნო­ბის ნა­ტა­მა­ლი მა­ინც შერ­ჩე­ბო­დათ და ხელს არ მახ­ლებ­დნენ იმ პატი­ვის­ცე­მის ნიშ­ნად მა­ინც, რაც მე მა­გათ­თვის მქონ­და გა­კე­თე­ბუ­ლი. ვი­ცო­დი, მის­მენ­დნენ, მაკ­ვირ­დე­ბოდ­ნენ. მშვე­ნი­ვრად იცოდ­ნენ, პო­ლი­ტი­კის­გან შორს რომ ვი­ყა­ვი და არ­ც ერ­თი მხა­რის პო­ზი­ცია არ მე­ჭი­რა, მაგ­რამ თა­ვი­ან­თი თე­ო­რი­ე­ბის გა­სამ­ყა­რებ­ლად გა­მო­­მაცხ­ა­დეს კრი­მი­ნა­ლად, რაც ძა­ლი­ან შე­უ­რაცხ­მყო­ფე­ლი იყო. ამის შემ­დეგ ულ­ტი­მა­ტუ­მის გზით სცა­დეს ჩემ­თან და­ლა­პა­რა­კე­ბა, ითხ­ოვ­დნენ დათ­მო­ბა­ზე წავ­სუ­ლი­ყა­ვი, რა­ღა­ცე­ბი გა­მე­კე­თე­ბი­ნა მათ სა­სარ­გებ­ლოდ, სა­ნაც­ვლოდ კი დავ­რჩე­ნი­ლი­ყა­ვი ქვე­ყა­ნა­ში და გან­მეგ­რძო ბიზ­ნეს­საქ­მი­ა­ნო­ბა. უღირს საქ­ცი­ე­ლად მივი­ჩნიე გა­რი­გე­ბა ხალ­ხთან, ვინც ულ­ტი­მა­ტუ­მის ენით მე­ლა­პა­რა­კე­ბო­და. შე­დ­ე­გად და­ვ­კ­არ­გე ყვე­ლა­ფე­რი, მაგ­რამ მთა­ვა­რი­ა, შე­ვი­ნარ­ჩუ­ნე ადა­მი­ა­ნო­ბა.

- გავ­რცე­ლე­ბუ­ლი ინ­ფორ­მა­ცი­ით, თა­ვის დრო­ზე "რუს­თა­ვი - 2"-ის აქ­ცი­ე­ბი სწო­რედ პრე­ზი­დენ­ტის თხოვ­ნით შე­ი­ძი­ნეთ.

- არ ვი­ცი, პრე­ზი­დენტს რა რო­ლი ჰქონ­და ამ პრო­ცეს­ში. მე რო­გორც იმ­ჟა­მად მითხ­რეს, ერო­სი კიწ­მა­რიშ­ვი­ლი თა­ვი­სი აქ­ცი­ე­ბის გას­ხვი­სე­ბას აპი­რებ­და და მთხო­ვეს, მე­ყი­და, ისეთ ადა­მი­ა­ნებს რომ არ ჩა­ვარ­დნო­და ხელ­ში, ვინც ქვეყ­ნის სა­წი­ნა­აღ­მდე­გოდ გა­მო­ი­ყე­ნებ­და.

- ვინ გთხო­ვათ?

- "რუს­თა­ვი 2"-ის შე­ძე­ნა მთ­ხო­ვა ე.წ. "ვე­ლი­კა­ლეპ­ნაია ტრო­ი­კამ", ადე­იშ­ვილ­-მე­რა­ბიშ­ვილ­-ოქ­რუ­აშ­ვი­ლის შე­მად­გენ­ლო­ბით. თა­ვ­­და­პირ­ვე­ლად უარ­ზე ვი­ყა­ვი, მაგ­რამ მიხ­სნიდ­ნენ, რომ ამას პო­ლი­ტი­კას­თან კავ­ში­რი არ ექ­ნე­ბო­და. მეც დავ­თან­ხმდი, რაც ჩე­მი დი­დი შეც­დო­მა იყო. ვეც­დე­ბი, ეს შეც­დო­მა გა­მო­ვას­წო­რო. რო­გორც კი ნორ­მა­ლუ­რი სა­სა­მარ­თლო გვექ­ნე­ბა, აუ­ცი­ლებ­ლად და­ვიბ­რუ­ნებ ტე­ლე­კომ­პა­ნია "რუს­თა­ვი 2"-ს და ის ქარ­თვე­ლი ხალ­ხის სამ­სა­ხურ­ში ჩად­გე­ბა.

- აპი­რებთ სამ­შობ­ლო­ში დაბ­რუ­ნე­ბას?

- სა­ქარ­თვე­ლო­ში აუ­ცი­ლებ­ლად დავ­ბრუნ­დე­ბი, მთა­ვა­რი­ა, ჩემს შვი­ლებს სამ­შობ­ლო ჰქონ­დეთ, მთა­ვა­რი­ა, მანდ ცი­ვი­ლი­ზე­ბუ­ლი სამ­ყა­როს­თვის მი­უ­ღე­ბე­ლი მოვ­ლე­ნე­ბი არ გან­ვი­თარ­დეს, ისე­თი, ქარ­თვე­ლო­ბის რომ შეგ­ვრცხვეს. ჩე­მი კუთხ­ე, ჩე­მი სო­ფე­ლი, სა­დაც გა­ვი­ზარ­დე, ძა­ლი­ან მე­ნატ­რე­ბა, აუ­ცი­ლებ­ლად დავ­ბრუნ­დე­ბი. მინ­და, სა­ქარ­თვე­ლო­ში არას­დროს აღარ იყოს ხე­ლი­სუ­ფლე­ბა, რო­მე­ლიც ვი­ღა­ცას თა­ვი­სი სახ­ლი­დან უსა­მარ­თლოდ გა­აგ­დებს, ისე, რო­გორც ჩემ შემ­თხვე­ვა­ში მოხ­და. სი­მარ­თლე ისე­თი რა­მე­ა, რაც არ და­ი­მა­ლე­ბა, ამი­ტო­მაც აქვს ბრძო­ლას ყო­ველ­თვის აზ­რი. თუ ჩვე­ნი სა­ზო­გა­დო­ე­ბა მხარს და­უ­ჭერს სა­მარ­თლი­ა­ნო­ბას, თუ მო­ვა­ხერ­ხებთ ამის მსოფ­ლი­ოს­თვის ჩვე­ნე­ბას, ყვე­ლა­ფე­რი რიგ­ზე იქ­ნე­ბა. ამის­თვის საჭი­როა, ეს სა­არ­ჩევ­ნო პრო­ცე­სე­ბი წა­რი­მარ­თოს ღი­ად და არა ისე, რო­გორც ეს მოხ­და 2008 წლის არ­ჩევ­ნებ­ზე, რო­დე­საც გი­ვი თარ­გა­მა­ძემ ჩა­მო­იყ­ვა­ნა სა­ერ­თა­შო­რი­სო დამ­კვირ­ვებ­ლე­ბი უკ­რა­ი­ნი­დან, ლატ­ვი­ი­დან, ბე­ლა­რუ­სი­დან და ა.შ. რომ­ლე­ბიც აქე­ი­ფეს, და­ა­წე­რი­ნეს ის, რაც სურ­დათ და გა­უშ­ვეს. ეს ასე აღარ უნ­და მოხ­დეს. პრო­ცესს უნ­და და­აკ­ვირ­დნენ ნე­იტ­რა­ლუ­რი დამ­კვირ­ვებ­ლე­ბი, რომ­ლე­ბიც სი­მარ­თლეს არ და­მალა­ვენ. სა­ა­კაშ­ვი­ლი მეცხ­რე წე­ლი­ა, გა­ო­რე­ბუ­ლად მარ­თავს ქვე­ყა­ნას - ერ­თია - სა­ტე­ლე­ვი­ზიო ცხოვ­რე­ბა, მე­ო­რე კი - რე­ა­ლუ­რი. ვი­მე­დოვ­ნებ, რომ ეს მა­ლე დამ­თავ­რდე­ბა.

ნათია დოლიძე

ყოველკვირეული გაზეთი "ყველა სიახლე"

(გამოდის ოთხშაბათობით)