გურჯაანის საავადმყოფოში, ინტოქსიკაციის ნიშნებით, 25 ადამიანი მოათავსეს

გურჯაანის რაიონულ მრავალპროფილიან საავადმყოფოში, ინტოქსიკაციის ნიშნებით, წუხელ 25 ადამიანი მოათავსეს, მათ შორის - რამოდენიმე ბავშვი. მოწამლულები სოფელ ველისციხიდან გურჯაანის სასწრაფო დახმარების ბრიგადებმა გადაიყვანეს. პაციენტები ეჭვობენ, ისინი ყველის მიღების შემდეგ მოიწამლნენ.

20 პაციენტი პირველადი სამედიცინო დახმარების გაწევის შემდეგ გაწერეს, ხოლო 5 მათგანი ამ დრომდე გურჯაანის საავადმყოფოში მკურნალობს, ექიმების განცხადებით, მათ სიცოცხლეს საფრთხე არ ემუქრება.

თუ რა გახდა 25 ადამიანის მოწამვლის მიზეზი, ბაქტეროლოგიური კვლევის შემდეგ დადგინდება.

"ინტერპრესნიუსი"