N76 და N79 სამარშრუტო ტაქსებიდან "ნაციონალური მოძრაობის" წინასაარჩევნო ბანერები ჩამოხსნეს

სამარშრუტო ტაქსებიდან "ნაციონალური მოძრაობის" წინასაარჩევნო ბანერები ჩამოხსნეს. როგორც "ინტერპრესნიუსის" კორესპონდენტი იუწყება, ბანერები N76 და N79 სამარშრუტო ტაქსებიდან ჩამოხსნეს.

სამარშრუტო მძღოლების განმარტებით, მათ აღნიშნული მითითება ავტოფარეხის ხელმძღვანელობიდან მიიღეს. მძღოლების ნაწილი ამის მიზეზის დაკონკრეტებისგან თავს იკავებს, ნაწილის განმარტებით, ბანერები მხედველობას ხელს უშლიდა და ამიტომაც ჩამოხსნეს.

იმ მძღოლებმა, რომლებმაც ფარეხში ბანერების ჩამოხსნა ვერ მოასწრეს, ისინი გაჩერებაზე, ავლაბრის მეტროს მიმდებარე ტერიტორიაზე ჩამოხსნეს.

ამასთან, სამარშრუტო ტაქსების გაჩერებაზე მისული იყო "თბილისის მიკროავტობუსის" წარმომადგენელი, რომლის თქმითაც, მძღოლები შეცდომაში შეიყვანეს და მათ მხოლოდ დაზიანებული ბანერები უნდა ჩამოეხსნათ. თუმცა კომპანიის წარმომადგენელს არ დაუკონკრეტებია, ვინ შეიყვანა ჟურნალისტები შეცდომაში.

იხილეთ ვიდეო

"ინტერპრესნიუსი"