სასჯელაღსრულების მინისტრის მოვალეობის შემსრულებლად გიორგი ლორთქიფანიძე დაინიშნა

სასჯელაღსრულების მინისტრის მოვალეობის შემსრულებლად გიორგი ლორთქიფანიძე დაინიშნა,- ამის შესახებ "ინტერპრესნიუსს" საქართველოს პრემიერ-მინისტრის აპარატის წარმომადგენელმა, შოთა უტიაშვილმა განუცხადა.

გიორგი ლორთქიფანიძე დღემდე შინაგან საქმეთა მინისტრის მოადგილედ მუშაობდა.

უტიაშვილის ინფორმაციით, დანიშნულია გლდანის საპყრობილეს ახალი უფროსიც, თუმცა მისი გვარი უტიაშვილს არ დაუკონკრეტებია.

ამასთან, უტიაშვილი დღეს გლდანის მე-8 საპყრობილეში იმყოფებოდა.

"ინტერპრესნიუსი"