გიორგი ლორთქიფანიძე სასჯელაღსრულების დეპარტამენტის ხელმძღვანელად დაინიშნა
შს მინისტრის ყოფილი მოადგილე გიორგი ლორთქიფანიძე არა სასჯელაღსრულების მინისტრის მოვალეობის შემსრულებლად, არამედ, სასჯელაღსრულების დეპარტამენტის ხელმძღვანელად დაინიშნა, - ამის შესახებ "ინტერპრესნიუსს" საქართველოს პრემიერ-მინისტრის აპარატის წარმომადგენელმა, შოთა უტიაშვილმა განუცხადა.
მისივე განმარტებით, სასჯელაღსრულების, პრობაციისა და იურიდიული დახმარების საკითხთა მინისტრის მოვალეობას, კანონის თანახმად, მისი რომელიმე მოადგილე შეასრულებს.
ხათუნა კალმახელიძეს სამი მოადგილე ჰყავს - პირველი მოადგილე გიორგი მაკასარაშვილი, გიორგი არსოშვილი და ალან პარასტაევი.
ამასთან, როგორც უტიაშვილმა აღნიშნა, სასჯელაღსრულების ყველა დაწესებულებას ახალი უფროსი ჰყავს.
საქართველოს პრემიერ-მინისტრმა, ვანო მერაბიშვილმა სასჯელაღსრულების, პრობაციისა და იურიდიული დახმარების საკითხთა მინისტრის თანამდებობიდან ხათუნა კალმახელიძე, მისივე მიმართვის საფუძველზე, დღეს გაათავისუფლა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
