პატიმრობაში მყოფი პრეზიდენტის ყოფილი პილოტის მეუღლე დახმარებას ჟურნალისტებს სთხოვს
პატიმარ ტარიელ აბაშიძის მეუღლე, ციცინო აბაშიძე, ჟურნალისტებს დახმარების თხოვნით მიმართავს.
როგორც გლდანის N8 სასჯელაღსრულების დაწესებულებასთან ციცინო აბაშიძემ ჟურნალისტებს განუცხადა, მისი მეუღლე პრეზიდენტის ყოფილი პირადი პილოტია. მისი თქმით, ტარიელ აბაშიძე უსამართლოდ, სამშობლოს ღალატის მოტივით ზის ციხეში. მისი თქმით, ეშინია მეუღლესთან მოკლევადიანი პაემანზე შესვლა, რადგან არის საფრთხე, სწორედ ამ ვიზიტის შემდეგ დაუშაონ რამე პატიმარს.
ციცინო აბაშიძე მეუღლის გათავისუფლებას ითხოვს და ამ თხოვნის პრეზიდენტამდე მიტანაში დახმარებას მედიის წარმომადგენლებს სთხოვს. მისი თქმით, ტარიელ აბაშიძე არის აგვისტოს ომის მონაწილე, წმინდა გიორგის ორდენოსანი და შესაბამისად, ქვეყნის მოღალატე ვერანაირად ვერ იქნება და ის უსამართლობის მსხვერპლია.
"ორი პატარა შვილი მყავს და მამის გარეშე მათი გაზრდა ძალიან მიჭირს. ჩემი მეუღლე მოღალატე არ არის, ის ნამდვილი პატრიოტია და გაუგებრობის გამო აღმოჩნდა ციხეში. გთხოვთ, დამეხმაროთ, როგორც ფოტორეპორტიორებს დაეხმარეთ და გამომაყვანინოთ პატიმარი საპყრობილიდან", - განაცხადა ციცინო აბაშიძემ ჟურნალისტებთან საუბრისას.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
