შოთა ხიზანიშვილი ბაჩო ახალაიას ქვეყნიდან წასვლას და მის დასაკავებლად სპეცოპერაციის მზადებას უარყოფს
ბაჩო ახალაიას ქვეყნიდან გასვლისა და მის დასაკავებლად სპეცოპერაციის მზადებაზე შს მინისტრის მოადგილის შოთა ხიზანიშვილის კომენტარს ინტერნეტგამოცემების ნაწილი ავრცელებს.
"ინტერპრესნიუსმა" რამდენიმე მცდელობის მიუხედავად მასთან დაკავშირება ვერ შეძლო.
მედიასაშუალებების ნაწილი კი იუწყება, რომ ხიზანიშვილი ახალაიას ქვეყნიდან წასვლას და მის დასაკავებლად სპეცოპერაციის მზადებას უარყოფს. მისი თქმით, ბაჩო ახალაია საქართველოშია და არც დანაშაული ჩაუდენია, რომ დააპატიმრონ.
"რას ნიშნავს დაკავება, სისხლის სამართლის დანაშაული აქვს ჩადენილი?! სისულელეა. 100%-ით შემიძლია გითხრათ, რომ ეს ინფორმაცია ჭორი და სისულელეა", - აცხადებს ხიზანიშვილი.
ვრცელდება ინფორმაცია, რომ ყოფილი შს მინისტრის ბაჩო ახალაიას დაკავების ოპერაცია იგეგმება. გარდა ამისა, არსებობს ცნობაც, რომ ახალაია საქართველოში არ იმყოფება.
ამასთან, "ინტერპრესნიუსის" კორესპონდენტის ცნობით, დოლიძის ქუჩაზე, ყოფილი შს მინისტრის სახლთან დაბურულმინებიანი ავტომანქანების ინტენსიური მოძრაობა შეინიშნება.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
