ალექსანდრე იაშვილი: ყველა უნდა დაისაჯოს, იდეოლოგებიდან - ჯალათებამდე
გერმანული "ბოხუმის" ფეხბურთელი, ალექსანდრე იაშვილი პატიმართა ახლობლებს მხარდაჭერას უცხადებს. როგორც იაშვილი აცხადებს, ამ სამარცხვინო ვითარების შექმნაში წვლილის ყველა შემტანი სასტიკად უნდა დაისაჯოს.
"სამწუხაროდ, შორიდან მიხდება იმ ადამიანებისა და მათი ოჯახების მხარდაჭერა, ვინც ასეთ არაადამიანურ დღეში აღმოჩნდნენ. შეუძლებელია, იმ საზარელმა კადრებმა, რომლებიც, ალბათ, ჩვენი ქვეყნიდან სხვადასხვა მიზეზით გასულმა ყველა ქართველმა ნახა, არ შეგძრას და არ დაგაფიქროს იმ ტრაგედიის მიზეზებზე, რაც თურმე ციხეებში ხდება. ადამიანის უფლებების, პირველ რიგში - ღირსების შელახვა დაუშვებელია. სასტიკად უნდა დაისაჯოს ყველა, ვისაც ამ სამარცხვინო ვითარების შექმნაში მიუძღვის წვლილი, იდეოლოგებიდან - ჯალათებამდე. რაც მოხდა, ყველა ჩვენგანის, თითოეული ქართველის ღირსების გათელვაა. იმედი მაქვს, ეს გაუგონარი უმსგავსობა დაუსჯელი არ დარჩება", - აცხადებს ალექსანდრე იაშვილი.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
