პატიმრების ინფორმაციით, მათ წამებაში მონაწილე პირები ციხეში კვლავ აგრძელებენ მუშაობას

გლდანის ციხის სხვადასხვა კორპუსის პატიმრებმა მედიასთან საუბრისას დღეს დაასახელეს რამდენიმე კონკრეტული სახელი და გვარი, რომლებიც, მათივე თქმით, უშუალოდ მონაწილეობდნენ პატიმართა ფიზიკურ და სიტყვიერ შეურაცხყოფაში, თუმცა ახლაც განაგრძობენ ციხეში მუშაობას.

პატიმრები ამბობენ, რომ მას შემდეგ, რაც ახალი მინისტრი დაინიშნა, ისინი ციხეში კიდევ აგრძელებენ მუშაობას. ერთ-ერთი პატიმრის ინფორმაციით, ერთ-ერთმა პატიმრების მიმართ მუქარაც განახორციელა - ეს დრო მალე წავა, ჩვენი დრო ისევ მალე დადგება და მერე ნახეთ რასაც გიზამთო.

"ინტერპრესნიუსი" შეგნებულად არ ასახელებს პატიმრების მიერ მოწოდებულ სახელსა და გვარებს, თუმცა სასჯელაღსრულების ახალ მინისტრს გიორგი ტუღუშს ინფორმაციის გადასამოწმებლად ოფიციალურად მიმართავს.

იხილეთ ვიდეო

"ინტერპრესნიუსი"