ფილარმონიის საკონცერტო დარბაზს რკინის ზღუდეები შემოავლეს
ფილარმონიის საკონცერტო დარბაზს რკინის ზღუდეები შემოავლეს. როგორც აქციის მონაწილეები "ინტერპრესნიუსთან" საუბარში განმარტავენ, გადაწყვეტილება დარბაზის ადმინისტრაციამ "ვანდალიზმის შესაძლო აქტებისგან თავდასაცავად" მიიღო.
"გარდა ამისა, მათ სურთ, სამოქალაქო პროტესტს მოარიდონ ის ადამიანები, რომლებსაც ეკონცერტებათ და ემღერებათ", - აცხადებენ აქციის ორგანიზატორები.
ფილარმონიასთან საპროტესტო აქციის მონაწილეებმა "ვერის უბნის მელოდიებზე" დასწრების მსურველთათვის რამდენიმე დღის წინ ე.წ. "სირცხვილის კორიდორი" მოაწყვეს და მასში გამვლელებს სტვენითა და შეძახილებით "გრცხვენოდეთ" აცილებდნენ.
გარდა ამისა, ახალგაზრდების ნაწილმა, პროტესტის ნიშნად ბუბა კიკაბიძისა და მერაბ სეფაშვილის ვარსკვლავები შეღება.
როგორც "ინტერპრესნიუსის" კორესპონდენტი ფილარმონიის ტერიტორიიდან იუწყება, მომღერლების ვარსკვლავები ამ დროისთვის საღებავისგან გაწმენდილია.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
