ეკა ბესელიას წარმომადგენლების ინფორმაციით, ნაბადას საუბნო შტაბს ე.წ მოლოტოვის კოქტეილი ესროლეს
"ქართული ოცნების" ფოთის მაჟორიტარი კანდიდატის, ეკა ბესელიას წარმომადგენლების ინფორმაციით, ნაბადას საუბნო შტაბს ე.წ მოლოტოვის კოქტეილი ესროლეს, რომელიც არ აფეთქდა, ქალაქში გაკრული ორივე ბილბორდი კი, წითელი საღებავით შეღებეს.
ბესელიას შტაბის წარმომადგენლებმა გამოიძახეს საპატრულო პოლიციის ეკიპაჟი, რომელიც შემთხვევის ადგილზე მუშაობს. ბესელიას შტაბის წარმომადგენლები ინციდენტს ხელისუფლებას უკავშირებენ და სამართალდამცავი ორგანოებისგან, ობიექტურ გამოძიებას ითხოვენ.
"ხელისუფლება, რომელიც აპელირებდა 26 მაისის ოპოზიციის აქციაზე "მოლოტოვის კოქტეილის" თემით, თავად ებრძვის ამით და სხვა უმსგავსობებით ოპოზიციას. ეს არის პროვოცირებული მხოლოდ ხელისუფლების მხრიდან და მათი მხარდამჭერების მხრიდან. თუ სამართალდამცავები არიან ობიექტურები ამ ფაქტის გამოძიება არ უნდა გაუჭირდეთ",-განაცხადა შემთხვევის ადგილზე მისულმა "ქართული ოცნების" წარმომადგენელმა, ლილი გელაშვილმა.
მომხდარის შესახებ არაფერი იცის შტაბის საოფისე ფართის მეპატრონე ირაკლი გიგიბერიამ, რომლის განცხადებითაც, მომხდარის შესახებ მას ტელეფონით აცნობეს.
საპატრულო პოლიციის ბრიგადამ ადგილზე შეადგინა ოქმი, მიმდინარეობს გამოძიება.
იხილეთ ვიდეო: ფოთში ეკა ბესელიას ბილბორდები წითელი საღებავით შეღებეს
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
