მიხეილ ქავთარაძემ და ირაკლი შიხიაშვილმა თბილისის საკრებულოს ფრაქცია "ნაციონალური მოძრაობა" დატოვეს

თბილისის საკრებულოს ფრაქცია "ნაციონალური მოძრაობა" ორმა წარმომადგენელმა, მიხეილ ქავთარაძემ და ირაკლი შიხიაშვილმა დატოვა . საკრებულოს დეპუტატები საკუთარ ფრაქციასა და პარტიას პენიტენციარულ სისტემაში გამოვლენილი ძალადობის ფაქტების გამო გაემიჯნენ. თავიანთი გადაწყვეტილების შესახებ მათ დღეს საღამოს, "მაესტროს" ეთერში, გადაცემა "სუბიექტურ აზრში" განაცხადეს.

აწ უკვე ყოფილი "ნაციონალები" აცხადებენ, რომ ის, რაც ციხეებში გამოვლინდა, ღირებულებების ნგრევაზე მიუთითებს, რის შემდეგაც მათ საარჩევნო პრიორიტეტებზე და "ხალხისთვის მეტი სარგებლის" პროგრამაზე საუბრის უფლება არ აქვთ.

მიხეილ ქავთარაძე და ირაკლი შიხიაშვილი საკრებულოს რიგით წევრებად რჩებიან.

"ინტერპრესნიუსი"