წყნეთში მდებარე სასახლეზე ბაჩო და დათა ახალაიების ინიციალები ოქროს ასოებით არის ამოტვიფრული

უფლებადამცველი ლევან ჩიტაძე ბაჩო და დათა ახალაიებისთვის უკანონოდ შეძენილი ქონების ჩამორთმევას ითხოვს.

ამის შესახებ ჩიტაძემ "ინტერპრესნიუსს" განუცხადა და აღნიშნა, რომ ამ საკითხზე დღეს წყნეთში, ახალაიების საცხოვრებელ სახლთან ისაუბრებს.

"გავაკეთებ განცხადებას ახალაიების სასახლესთან, რომელიც წყნეთში, გორგასლის ქუჩაზე მდებარეობს და მასზე ოქროს ასოებითაა ამოტვიფრული ორივე ძმის სახელების ინიციალები. საზოგადოებამ უნდა ნახოს, რამხელა ანაზღაურებას და შემოსავალს იღებენ ახალაიები იმაში, რომ სააკაშვილის პირადი ჯალათები არიან. სწორედ იმ "დამსახურებისთვის", რაც ადამაინების გაუპატიურებასა და წამებას გულისხმობს, მათ სერიოზული ქონება დააგროვეს. მე მოვითხოვ, რომ გარდა ბაჩო და დათო ახალაიების დასჯისა, აღწერილ იქნას მათი ქონება. ამასთან, უკანონოდ შეძენილი და აშენებული სასახლეები ჩამოერთვას", - განმარტა ლევან ჩიტაძემ.

"ინტერპრესნიუსი"

იხილეთ ფოტოგალერეა: "ქართველ ჩინოვნიკთა სასახლეები"