აშშ-ის ელჩი პარტიებს სთხოვს, ხელი შეუწყონ სიმშვიდეს არჩევნების დღეს, რათა მოქალაქეებმა ხმის მიცემა მუქარისგან თავისუფალ გარემოში შეძლონ

აშშ-ის ელჩი პარტიებს სთხოვს, ხელი შეუწყონ სიმშვიდეს არჩევნების დღეს, რათა მოქალაქეებმა ხმის მიცემა მუქარისგან თავისუფალ გარემოში შეძლონ

აშშ-ის ელჩი რიჩარდ ნორლანდი, არჩევნებზე აკრედიტებული საერთაშორისო დამკვირებლის რანგში, სამეგრელოში წინასაარჩევნო ვითარებასა და მედიაგარემოს ეცნობა.

როგორც ამერიკის საელჩოს განცხადებაშია აღნიშნული, შეხვედრებისას ელჩი სთხოვს ყველა პოლიტიკურ პარტიასა და კანდიდატს, თავიანთი მოქმედებებით, რიტორიკით ხელი შეუწყონ სიწყნარესა და სიმშვიდეს არჩევნების დღეს, რათა საქართველოს მოქალაქეებმა ხმის მიცემა მუქარისგან თავისუფალ გარემოში შეძლონ.

"შეერთებული შტატები მტკიცედ უჭერს მხარს თავისუფალ და სამართლიან არჩევნებს საქართველოში. სამართლიანი არჩევნები განამტკიცებს ქვეყნის დემოკრატიულ მიღწევებს და ხელს შეუწყობს საქართველოს ევრო-ატლანტიკურ მისწრაფებებს. 2008 წლის შემდეგ აშშ-ის მთავრობა საქართველოს დემოკრატიის, მმართველობისა და კანონის უზენაესობის გასაძლიერებლად 120 მილიონი დოლარით დაეხმარა. შეერთებული შტატები მხარს არ უჭერს რომელიმე პოლიტიკურ პარტიას, ან კანდიდატს. ის მხარს უჭერს დემოკრატიულ პროცესს და საქართველოს მონდომებას, შექმნას დემოკრატიული ინსტიტუტები",- ნათქვამია ამერიკის შეერთებული შტატების საელჩოს განცხადებაში.

"ინტერპრესნიუსი"

LIVE: გია ხუხაშვილი "ნიუსრუმიდან"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა