ჭავჭავაძის გამზირზე მდებარე საცხოვრებელი კორპუსებიდან "ქართული ოცნების" მაისურები გადმოფინეს

ვაკის პარკიდან კოალიცია "ქართული ონების" მხარდამჭერთა მსვლელობა დაიწყო. მსვლელობას ხელმძღვანელობენ კოალიციიდან ვაკისა და საბურთლოს მაჟორიტარობის კანდიდატები შალვა შავგულიძე და ზაზა პაპუაშვილი. მსვლელობის მონაწილეებს თან აქვთ ბანერი, რომელზეც გაკეთებულია წარწერა - "გამარჯვებისთვის".

როგორც "ინტერპრესნიუსის" კორესპონდენტი იუწყება, ხალხის სიმრავლის გამო, ჭავჭავაძის გამზირზე ტრანსპორტის მოძრაობა პარალიზებულია, ხოლო საცხოვრებელი კორპუსებიდან სოლიდარობის ნიშნად "ქართული ოცნების" მაისურებია გადმოფენილი.

მსვლელობა 16.00 საათისთვის უკვე თავისუფლების მოედანზე იქნება.

"ინტერპრესნიუსი"