ასპინძის რაიონის სოფელ აწყვიტაში ხმის ყალბი პირადობის მოწმობით მიცემის სამი მცდელობა დაფიქსირდა

ასპინძის რაიონის სოფელ აწყვიტას საარჩევნო უბანზე ხმის ყალბი პირადობის მოწმობით მიცემის სამი მცდელობა დაფიქსირდა.

ამის შესახებ "ინტერპრესნიუსს" ინფორმაცია ასპინძის საარჩევნო ოლქში კოალიცია "ქართული ოცნების" წევრმა თამარ ჩიბურდანიძემ მიაწოდა.

მისივე განმარტებით, ყალბი პასპორტების გამოყენების მცდელობა კომისიის წევრებმა ადგილზევე აღკვეთეს.

"სოფელ აწყვიტაში, მე-3 საარჩევნო უბანზე 3 ამომრჩეველი ყალბი პირადობის მოწმობებით მოვიდა. მათი მცდელობები ადგილზევე აღვკვეთეთ", - აღნიშნა ჩიბურდანიძემ.

მისივე განმარტებით, დარღვევა ფიქსირდება ამავე რაიონის სოფელ თოკის მე-6 უბანზე, რაც იმაში გამოიხატება, რომ კომისიის თავმჯდომარე მათ ვიდეოკამერას არ ართვევინებს.

"ინტერპრესნიუსი"