ფოთის საარჩევნო ოლქმა ამომრჩევლის რაოდენობასთან შედარებით 5 530-ით ნაკლები ბიულეტენი მიიღო

ფოთის საარჩევნო ოლქმა ამომრჩევლის რაოდენობასთან შედარებით 5 530-ით ნაკლები ბიულეტენი მიიღო, მათ შორის 2 765 მაჟორიტარული არჩევნებისთვის განკუთვნილი ბიულეტენია.

როგორც "ინტერპრესნიუსის" კორესპონდენტი ფოთიდან იუწყება, ამის შესახებ ფოთის საოლაქო საარჩევნო კომისიის თავმჯდომარემ, ჯანო კვაშვილავამ განაცხადა.

ამასთან, ჯანო კვაშვილავას განმარტებით, ნაკლები რაოდენობის ბიულეტენი ცესკო-დან მიიღეს და მიზეზები მისთვის უცნობია.

ფოთის საარჩევნო ოლქში 41 565 ამომრჩეველია რეგისტრირებული. რაც შეეხება მაჟორტარულ არჩევნებს, კენჭს იყრის შვიდი კანდიდატი - "ნაციონალური მოძრაობიდან" თენგიზ სარიშვილი; ბლოკი "ბიძინა ივანიშვილი - ქართული ოცნებიდან" ეკა ბესელია; ქდმ-დან ლაშა ბერაია; "ლეიბორისტებიდან" გიორგი ტორონჯაძე; "მემარჯვენეებიდა" ზაზა ლემონჯავა; "თავისუფალი საქართველო" - ვეფხია ცოამაია; "სამართლიანი საქართველო" - მაია ზარგინავა.

"ინტერპრესნიუსი"