რუსთავის N16 საარჩევნო უბნის ხელმძღვანელს დილით უცნობი პირი თავს დაესხა

რუსთავის N16 საარჩევნო უბნის ხელმძღვანელს თეა ჯგერენაია-დარბაიძეს დილით უცნობი პირი თავს დაესხა.

როგორც "ინტერპრესნიუსის" კორესპონდენტი იუწყება, უბნის ხელმძღვანელს დაახლოებით 06:30 საათზე საკუთარ სადარბაზოსთან მამაკაცი დახვდა, რომელმაც მას წიხლი მუცელში ჩაარტყა. ჯგერენაია-დარბაიძემ მისგან თავის დაღწევა მოახერხა.

როგორც "ინტერპრესნიუსს" რუსთავის საოლქო საარჩევნო კომისიის თავმჯდომარემ სოსო შველიძემ განუცხადა, ამ დროისთვის ჯგერენაია-დარბაიძე თავს კარგად გრძნობს და N16 საარჩევნო უბანიც დროულად გაიხსნა.

"ინტერპრესნიუსი"