არჩილ გეგენავამ დამარცხება აღიარა და ზაზა პაპუაშვილს გამარჯვება მიულოცა

"ერთიანი ნაციონალური მოძრაობის" მაჟორიტარობის კანდიდატმა არჩილ გეგენავამ არჩევნებში დამარცხება აღიარა და კონკურენტს "ქართული ოცნებიდან" ზაზა პაპუაშვილს გამარჯვება მიულოცა.

როგორც "ინტერპრესნიუსს" პაპუაშვილმა განუცხადა, გეგენავა მას პირადად დაუკავშირდა და წარმატებები უსურვა. "გეგენავამ პირადად დამირეკა და გამარჯვება მომილოცა. ადამიანურად დამელაპარაკა და მითხრა, ღმერთმა დაგლოცოთო", - აღნიშნა პაპუაშვილმა.

შეგახსენებთ, რომ დღეს დამარცხება "ნაციონალური მოძრაობის" ვაკის მაჟორიოტარობის კანდიდატმა გიორგი კარბელაშვილმაც აღიარა. ამასთან დაკავშირებით მან განცხადება სოციალურ ქსელში გაავრცელა.

"ინტერპრესნიუსი"