საია ხაშურის N3, N5, N10, N19, N45 და N46 უბნების შედეგების ბათილობას ითხოვს

"საქართველოს ახალგაზრდა იურისტთა ასოციაცია" საჩივრით მიმართავს ხაშურის N35-ე საოლქო საარჩევნო კომისიას და ხაშურის N3, N5, N10, N19, N45 და N46 უბნების შედეგების ბათილობას ითხოვს.

ამის შესახებ საიას განცხადებაშია აღნიშნული. მათი განმარტებით, ამ მოთხოვნის მიზეზია გავრცელებული ინფორმაცია დასახელებულ უბნებზე სპეცდანიშნულების რაზმების შესვლისა და შემაჯამებელი ოქმების გადაკეთების შესახებ.

საია ითხოვს ასევე, N26-ე უბნის შედეგების ბათილობას, საიდანაც დამკვირვებლები გამოაძევეს.

"ინტერპრესნიუსი"