მაია ფანჯიკიძე - რუსეთთან ურთიერთობის დარეგულირების კონკრეტული მონახაზი უკვე არსებობს

საგარეო საქმეთა მინისტრობის კანდიდატის მაია ფანჯიკიძის განცხადებით, საქართველოს საგარეო პოლიტიკური კურსი არ შეიცვლება.

როგორც მან "ინტერპრესნიუსს" განუცხადა, საქართველოს საგარეო პოლიტიკური კურსი ევროპულ და ევროატლანტიკურ სტრუქტურებში ინტეგრაციაში, აშშ-სთან სტრატეგიულ თანამშრომლობასა და მეზობელ სახელმწიფოებთან კეთილმეზობლურ ურთიერთობებში მდგომარეობს.

"ახალი, რასაც "ქართული ოცნება" საგარეო პოლიტიკურ კურსში შეიტანს, არის ერთი - დარეგულირდეს ურთიერთობა რუსეთთან და ამის საშუალებით აღდგეს ტერიტორიული მთლიანობა", - განაცხადა ფანჯიკიძემ.

მისივე განმარტებით, რუსეთთან ურთიერთობის დარეგულირების კონკრეტული მონახაზი არსებობს, თუმცა სრულყოფილი გეგმა მას შემდეგ გახდება ცნობილი, რაც საგარეო უწყებაში გადაინაცვლებს.

"ინტერპრესნიუსი"