სხვადასხვა შენობებში უკანონოდ შესახლებულ დევნილებს ფართების დატოვება მოუწევთ

დევნილებს, რომლებიც სხვადასხვა შენობებში უკანონოდ არიან შესახლებულები, ფართების დატოვება მოუწევთ , - ამის შესახებ ჟურნალისტებს მთავრობის სამუშაო შეხვედრიდან გამოსულმა ლტოლვილთა და განსახლების მინისტრმა დავით დარახველიძემ განუცხადა.

მისი თქმით, სხვადასხვა ობიექტებზე უკანონოდ შეჭრილი დევნილების საქმის შესწავლა თითქმის დასრულდა. ამჟამად მიდის ანალიზი, თუ ვინ არის უკანონოდ შესული და მათ ფართის დატოვება მოუწევთ. ამასთან, მინისტრმა აღნიშნა, რომ გამოსახლება იქნება საერთაშორისო სტანდარტების შესაბამისი.

რაც შეეხება მისი მოადგილეების თემას, დავით დარახველიძის განცხადებით, ამ ეტაპზე მას ეყოლება ორი მოადგილე - გოგი ფაცაცია და ბესიკ ცოტნიაშვილი.

"ინტერპრესნიუსი"