ქსნის #15-ე დაწესებულების დირექტორი თანამდებობას ტოვებს

სასჯელაღსრულების ქსნის #15-ე დაწესებულების დირექტორი ნუკრი ხუხუა თანამდებობას ტოვებს, - ამის შესახებ "ინტერპრესნიუსს" თავად ხუხუამ განუცხადა.

მისი თქმით, ის გათავისუფლების შესახებ პატაკს ამზადებს. "პატაკს ვწერ და თუ დამიკმაყოფილებენ, თანამდებობიდან მივდივარ", - განაცხადა ნუკრი ხუხუამ.

ხუხუას გადადგომის მოთხოვნით სასჯელაღსრულების #15-ე დაწესებულებაში 2000-მდე პატიმარი შიმშილობს. მათმა ნაწილმა პირიც ამოიკერა და კიდურებით ერთმანეთს მიეკერა.

"ინტერპრესნიუსი"