ბაჩო ახალაია პოლიტიკაში დარჩენას აღარ აპირებს

შინაგან საქმეთა ყოფილი მინისტრი ბაჩო ახალაია პოლიტიკაში დარჩენას აღარ აპირებს. ამის შესახებ ახალაიამ "ინტერპრესნიუსს" განუცხადა.

"ყველა კითხვას პასუხს გავცემ და შემდეგ მოვიფიქრებ, რა შეიძლება გავაკეთო. ვფიქრობ, რომ შეიძლება ამ ქვეყნისთვის საინტერესო რაღაცები გავაკეთო, თუმცა პოლიტიკას არ ვგულისხმობ. არ მიმაჩნია, რომ საჯარო პოლიტიკას უნდა მივყო ხელი, მით უმეტეს, რომ არანაირი პარტიის წევრი არ ვარ", - განმარტა ახალაიამ.

მისივე განმარტებით, მოიფიქრებს ისეთ საქმიანობას, რომელიც მისთვის ადეკვატური იქნება.

"მილანში ვერ წავალ და ფეხბურთს ვერ ვითამაშებ ხომ?", - აღნიშნა ახალაიამ "ინტერპრესნიუსთან" საუბარში.

იხილეთ ვიდეო

"ინტერპრესნიუსი"