პატიმრებმა შიმშილობა ქსნის N19 დაწესებულებაშიც გამოაცხადეს
საპროტესტო აქციები ქსნის N19 ტუბერკულიოზით დაავადებულ მსჯავრდებულთა სამკურნალო დაწესებულებაში დაიწყო, - ამის შესახებ ჟურნალისტებს ერთ-ერთი პატიმრის ადვოკატმა თეა ჭიღლაძემ აცნობა.
ადვოკატის ინფორმაციით, პატიმრები რამდენიმე დღეა შიმშილობენ. მათი პროტესტის მიზეზი კი სამედიცინო მომსახურებაა. კერძოდ, როგორც ადვოკატი აცხადებს, პატიმრები მოითხოვენ მთავარი ექიმის, ოთარ ტრაპაიძის თანამდებობიდან მოხსნას. მისი თქმით, პატიმრებს პრეტენზიები აქვთ სამედიცინო მომსახურებასთან დაკავშირებითაც. კერძოდ, ისინი სამედიცინო პერსონალს გულგრილობაში ადანაშაულებენ.
ამასთან, როგორც თეა ჭიღლაძემ აღნიშნა, პატიმრები მოთხოვნის დაუკმაყოფილებლობის შემთხვევაში, პირის ამოკერვით იმუქრებიან.
ამასთან, "ინტერპრესნიუსი" N19 დაწესებულებიდან გამოსულ ერთ-ერთ პატიმრის მშობელსაც გაესაუბრა, რომლის ინფორმაციითაც, მას შვილთან შეხვედრა ჰქონდა დაგეგმილი, თუმცა პატიმარმა შეხვედრაზე უარი განაცხადა. როგორც პატიმრის მშობელი ამბობს, დაწესებულებაში მყოფი მსჯავრდებულები მასობრივად აცხადებენ უარს ამანათების მიღებაზე და პაემნებზე.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
