გაერთიანებული შტაბის უფროსი გიორგი კალანდაძე და მე-4 ბრიგადის მეთაური დაკავებული არიან

გაერთიანებული შტაბის უფროსი, გენერალი გიორგი კალანდაძე დაკავებულია. მასთან ერთად დაკავებულია შეიარაღებული ძალების მე-4 ბრიგადის მეთაური ზურაბ შამათავა.

იუსტიციის სამინისტროს ოფიციალური ინფორმაციით, გიორგი კალანდაძეს ბრალი ედება ძალაუფლების გადამეტებაში.

გიორგი კალანდაძე, მთავარი პროკურორის თანდასწრებით, თავდაცვის სამინისტროს ადმინისტრაციულ შენობაში 7 ნოემბერს, 05.20 საათზე დააკავეს.

ოფიციალური განცხადება ამ საკითხთან დაკავშირებით იუსტიციის სამინისტროში 10.00 საათზე გაკეთდება.

ამასთან, არაოფიციალური ინფორმაციით კი , კალანდაძისა და შამათავას დაკავება ბაჩო ახალიას მიერ მიცემული ჩვენების საფუძველზე მოხდა.

"ინტერპრესნიუსი"