დავით დეკანოიძე - ახალაიას რეაქცია არ ჰქონია, როდესაც ვუთხარი, რომ "ქართული ოცნების" წევრი ვიყავი

ბაჩო ახალაიასთვის, გიორგი კალანდაძისთვის და ზურაბ შამათავასთვის ბრალის წაყენების პროცესი ამ დრომდე არ დაწყებულა.

როგორც ჟურნალისტებს თბილისის პოლიციის მთავარ სამმართველოსთან ბაჩო ახალაიასა და ზურაბ შამათავას ადვოკატმა დავით დეკანოიძემ აცნობა, გამომძიებელი სამმართველოში ამ დრომდე არ მისულა, თუმცა ტელეფონით ესაუბრა გამომძიებელს, რომელმაც აცნობა, რომ რამდენიმე წუთში სამმართველოში მივა.

ამასთან, დავით დეკანოიძემ განაცხადა, რომ მან "ქართული ოცნების" წევრობის შესახებ საკუთარი დაცვის ქვეშ მყოფებს ინფორმაცია მიაწოდა.

"არანაირი რეაქცია არ ჰქონიათ. თქვეს, რომ ადვოკატი მყავს და არ მაინტერესებს რომელი პარტიის წევრია, მთავარია დამიცვასო", - განაცხადა დავით დეკანოიძემ.

"ინტერპრესნიუსი"