პალესტინის ავტონომიას სახელმწიფო-დამკვირვებლის სტატუსი მიენიჭა
მიუხედავად ისრაელისა და ამერიკის შეერთებული შტატების წინააღმდეგობისა, გაერო-ს გენერალურმა ასამბლეამ ხმათა უმრავლესობით მხარი დაუჭირა პალესტინის ავტონომიის სახელმწიფო-დამკვირვებლის სტატუსამდე ამაღლებას. ამის შესახებ ტელეკომპანია "ბიბისი" იუწყება.
ამასთან, პალესტინის ავტონომიის პრეზიდენტმა მაჰმუდ აბასმა ამ გადაწყვეტილებამდე გაერო-ს გენერალურ ასამბლეაზე განაცხადა, რომ პალესტინელების სტატუსზე კენჭისყრა "იქნება უკანასკნელი შანსი ორი სახელმწიფოს შექმნისთვის".
თავის მხრივ, გაერო-ში ისრაელის ელჩმა აღნიშნა, რომ ეს გადაწყვეტილება მშვიდობის ხელშეწყობის ნაცვლად პროცესებს უკან წევს.
საერთო ჯამში, სტატუსის ამაღლებას მხარი დაუჭირა 138-მა ქვეყანამ. მათ შორის - რუსეთმა, საფრანგეთმა და იაპონიამ.
ხოლო 41 ქვეყნის წარმომადგენელმა თავი შეიკავა. მათ შორის - დიდი ბრიტანეთის და გერმანიის.
პალესტინისთვის სტატუსის ამაღლებაზე უარი თქვა ცხრა ქვეყანამ: აშშ-მა, ისრაელმა, კანადამ, მარშალის კუნძულებმა, მიკრონეზიამ, ნაურუმ, პალაუმ, პანამამ და ჩეხეთმა.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
