ბათუმში საეჭვო ნივთი აღმოაჩინეს

ბათუმში, ბესიკის ქუჩაზე, სარიტუალო დარბაზ "ვეგას" მიმდებარე ტერიტორიაზე საეჭვო ნივთი აღმოაჩინეს.

როგორც "ინტერპრესნიუსის" კორესპონდენტი იუწყება, მიწის ზედაპირიდან რამდენიმე სანტიმეტრზე თუნუქის ყუთის კუთხე ჩანდა. მიმდებარე ტერიტორიაზე ყოფილმა სამხედრო პირმა გაიარა და ნივთი ხელში აიღო, თუმცა საპატრულო პოლიციის ეკიპაჟმა ის მკაცრად გააფრთხილა, რის შემდეგაც თუნუქის ყუთი კვლავ ადგილზე დააბრუნეს.

შემთხვევის ადგილზე იმყოფებიან საპატრულო პოლიციის თანამშრომლები. ასევე, ელოდებიან კრიმინალური პოლიციის წარმომადგენლებს. ტერიტორია საპატრულო პოლიციის ყვითელი ლენტით არის შემოსაზღვრული.

ამასთან, სარიტუალო დარბაზში ქორწილი გრძელდება.

"ინტერპრესნიუსი"