NDI-ის კვლევის მიხედვით, საქართველოს პატრიარქი რესპონდენტთა 93%-ს მოსწონს. კითხვაზე: მოგწონთ თუ არ მოგწონთ? - რესპონდენტთა 93-მა პროცენტმა პატრიარქთან მიმართებაში დადებითი პასუხი გასცა.
NDI-ის მიერ ნოემბერში ჩატარებული კვლევის შედეგის პრეზენტაცია სასტუმრო "ქორთიარდ მარიოტში" მიმდინარეობს. პრეზენტაციას NDI-ს საქართველოს ოფისის ხელმძღვანელი ლუის ნავარო უძღვება.
საზოგადოებრივი აზრის კვლევა, რომლის მიხედვითაც რეიტინგები შედგა, მიმდინარე წლის ნოემბერში ჩატარდა. კვლევის საველე სამუშაოები 14-25 ნოემბრის პერიოდში მიმდინარეობდა. მის ფარგლებში საქართველოს მასშტაბით წარმომადგელობითი შერჩევით, პირისპირ ინტერვიუს პრინციპით 1 947 ადამიანი გამოიკითხა.