ალექსანდრე ხეთაგური - არ დავმალულვარ და ამას არც მომავალში გავაკეთებ

არ დავმალულვარ და ამას არც მომავალში გავაკეთებ, - ამის შესახებ დღევანდელ სასამართლო პროცესზე ენერგეტიკისა და ფინანსთა ყოფილმა მინისტრმა ალექსანდრე ხეთაგურმა განაცხადა. გამოძიების დაწყების შესახებ ინფორმაცია მქონდა. ამ პერიოდის განმავლობაში ვიმყოფებოდი საზღვარგარეთაც, თუმცა არ დავმალულვარ და ამას არც მომავალში გავაკეთებ", - განაცხადა ალექსანდრე ხერთაგურმა.

"თელასის" გენერალური დირექტორის დევი კანდელაკის თქმით კი, გამოძიების დაწყების შესახებ ინფორმაცია მასაც ჰქონდა, თუმცა ქვეყნის დატოვების შესაძლებლობა არ გამოუყენებია.

"არც ისეთი სულელი ვარ, რომ არ მცოდნოდა, ყველაფერი სადამდე მივიდოდა, მაგრამ არსად გავქცეულვარ. ცოლ-შვილი აქ მყავს. რაც ვიცოდი, ყველაფერი დავწერე", - განაცხადა დევი კანდელაკმა.

განათლებისა და იუსტიციის ყოფილი მინისტრის, "რუსთავი 2"-ის გენერალური დირექტორის ნიკა გვარამიას თქმით კი, უდანაშაულოა და ამას დაამტკიცებს.

"თუ ვინმეს ჰგონია, რომ ნიკა გვარამია შეიტოვებს მექრთამისა და ფულის გამთეთრებლის კლიშეს, საკუთარ სინდისში ჩაიხედოს. როგორც ჩანს, ის მსჯელობს საკუთარი სინდისიდან გამომდინარე. მე ვარ უდანაშაულო და ამას დავამტკიცებ", - განაცხადა ნიკა გვარამიამ სასამართლო პროცესზე.

ეკონომიკის მინისტრის ყოფილი მოადგილის კახა დამენიას თქმით კი, მისთვის სახელი ძალიან მნიშვნელოვანია, განსაკუთრებით იმ ბიზნესში, რომელშიც ამჟამად საქმიანობს.

"ჩემს მიერ სხვადასხვა თანამდებობეზე მუშაობის დროს, ქრთამთან დაკავშირებით ბევრში შესაძლებლობა მქონდა, მაგრამ ეს არ გამიკეთებია. არ დავუშვებ, ვინმეს დარჩეს შთაბეჭდილება, რომ ქრთამთან ოდესმე რაიმე შეხება მქონდა. მე ვარ საკონსულტაციო ბიზნესში. აქ კი, მთავარი სახელია", - აღნიშნა კახა დამენიამ.

"ინტერპრესნიუსი"