7 იანვრიდან ამინდი გაუარესდება. როგორც "ინტერპრესნიუსს" ჰიდრომეტეოროლოგიური პროგნოზების სამმართველოს უფროსმა სვეტლანა ნიორაძემ განუცხადა, ამინდის გაუარესება წვიმებით დაიწყება, შემდეგ კი ის თოვლჭყაპსა და თოვაში გადაიზრდება.
"5 და 6 იანვარს საქართველოში იწვიმებს, 7 იანვრიდან კი მთელი ქვეყნის მასშტაბით ამინდის გაუარესებას ვვარაუდობთ. ეს ყველაფერი დაიწყება წვიმით და 8 და 9 იანვარს თოვლჭყაპსა და თოვაში გადავა.
ტემპერატურაც საკმაოდ დაეცემა, დღისით თბილისში სითბო მხოლოდ 3-4 გრადუსი იქნება, ღამით კი ყინვაა ნავარაუდევი, მათ შორის მხოლოდ დედაქალაქში ტემპერატურა -4 - -6 გრადუსამდე დაეცემა", - განაცხადა სვეტლანა ნიორაძემ.
მისივე ინფორმაციით, საქართველოში 10 იანვრიდან ისევ გამოიდარებს.