"პოლიციელმა იმდენი მირტყა, გონება დავკარგე და საავადმყოფოში აღმოვჩნდი" - გოგა ხეტეშვილი

გურჯაანში მცხოვრები გოგა ხეტეშვილი შსს გურჯაანის რაიონული სამმართველოს თანამშრომელს ვანო დულარიძეს სიტყვიერი და ფიზიკური შეურაცხყოფის მიყენებაში ადანაშაულებს. მისი თქმით, ფიზიკური შეყრაცხყოფის შედეგად მან გონება დაკარგა, რის გამოც საავადმყოფოში გადაიყვანეს. ხეტეშვილი ამბობს, რომ უცხო ნომრიდან დაურეკეს და საავადმყოფოში დაიბარეს, სადაც ვანო დულარიძე სხვა პოლიციელებთან ერთად დახვდა.

"გახსნა ვანო დულარიძემ პიკაპის მარკის მანქანის უკანა კარი, კისერში მტაცა ხელი და ჩამსვა. თვითონ წინ დაჯდა, ხელი გადმოყო და მუშტს თავში მირტყამდა, საავადმყოფოდან პოლიციის ეზომდე თავში მირტყამდა, მაგინებდა და შეურაცხყოფას მაყენებდა. თან მეუბნებოდა, ისე უნდა გირტყა, რომ არ დაგეტყოსო" - ამბობს გოგა ხეტეშვილი.

სრული ვერსია

კახეთის საინფორმაციო ცენტრი