გლდანში "თბილისის მიკროავტობუსის" ქონების დაყადაღება მიმდინარეობს
ამ წუთებში კომპანია "თბილისის მიკროავტობუსის" ქონების დაყადაღება მიმდინარეობს. გლდანის ავტოპარკში აღსრულების ეროვნული ბიუროს თანამშრომლები იმყოფებიან, რომლებიც კომპანიის მიკროავტობუსებს აყადაღებენ.
როგორც "ინტერპრესნიუსს" აღსრულების ეროვნულ ბიუროში განუცხადეს, ბიუროში შემოსულია სააღსრულებო ფურცელი, რომლის მიხედვითაც, კრედიტორი საქმეში არის სააქციო საზოგადოება "თიბისი ბანკი", მოვალე კი კომპანია "თბილაინი". უწყების ინფორმაციით, საქმე საკრედიტო დავალიანებას ეხება.
"მიმდინარეობს სააღსრულებო პროცესი, რომლის ფარგლებშიც აღსრულების ეროვნული ბიუროს თანამშრომლებმა დააყადაღეს კომპანია "თბილლაინის" ბალანსზე რიცხული მოძრავი ქონება (ყვითელი სამარშრუტო მიკროავტობუსები). აღსანიშნავია, რომ სულ დაყადაღდება 153 ერთეული, რაც საერთო რაოდენობის მცირე ნაწილს შეადგენს", - აცხადებენ უწყებაში.
ამასთან, აღსრულების ეროვნული ბიუროს ინფორმაციით, გლდანის ავტოპარკში დაყადაღდება 95 ერთეული ავტოტრანსპორტი.
უწყების ცნობით, საკრედიტო დავალიანება 2 მილიონი ევროა.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
